തോമസ് ചാണ്ടി മനുഷ്യസ്നേഹിയായ രാഷ്ട്രിയ പ്രവർത്തകൻ, ഉമ്മൻ ചാണ്ടി

സ്വന്തം ലേഖകൻ

കോട്ടയം : രാഷ്ട്രീയപ്രവർത്തകൻ എന്നതിനെക്കാൾ ഉപരി മനുഷ്യസ്നേഹിയായിരുന്നു തോമസ് ചാണ്ടി എന്ന് മുൻ മുഖ്യമന്ത്രി ഉമ്മൻചാണ്ടി. എൻ സി പി കോട്ടയം ജില്ലാ കമ്മിറ്റി സംഘടിപ്പിച്ച തോമസ് ചാണ്ടി അനുസ്മരണ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം .

കഠിനാധ്വാനം വഴി തൊട്ടതെല്ലാം പൊന്നാക്കി മാറ്റിയ തോമസ് ചാണ്ടി തന്റെ നേട്ടങ്ങൾ സമൂഹത്തിന്റെ നന്മയ്ക്കായി പങ്കുവയ്ക്കുന്നതിന് മടി കാട്ടിയിരുന്നില്ല. അദ്ദേഹത്തിന്റെ ചെയ്തികൾ കാലത്തെ അതിജീവിക്കുമെന്നും ഉമ്മൻചാണ്ടി പറഞ്ഞു .

ജില്ലാ പ്രസിഡൻറ് സാജു എം ഫിലിപ്പ് അധ്യക്ഷത വഹിച്ച യോഗത്തിൽ വി എൻ വാസവൻ അനുസ്മരണ പ്രഭാഷണം നടത്തി. മോൻസ് ജോസഫ് എംഎൽഎ , മാണി സി കാപ്പൻ എംഎൽഎ , സ്റ്റീഫൻ ജോർജ് ,ജോർജ് കുര്യൻ ,കെ ജെ ജോസ് മോൻ, സുൽഫിക്കർ മയൂരി, സലിം പി മാത്യു ,സുഭാഷ് പുഞ്ചക്കോട്ടിൽ , കാണക്കാരി അരവിന്ദാക്ഷൻ,ഷെനിൻ മ ന്തിരാട് ,എം പി കൃഷ്ണൻ നായർ, അഡ്വ.രാജഗോപാൽ, എന്നിവർ സംസാരിച്ചു.