സ്വന്തം ലേഖകൻ
ഇടുക്കി : നരിയമ്പാറയിൽ പതിനേഴുകാരിയെ പീഡിപ്പിച്ചപ്രതി അറസ്റ്റിൽ. നരിയമ്പാറ സ്വദേശിയായ മനു മനോജാണ് പൊലീസ് പിടിയിലായത്.
നരിയന്രാറ സ്വദേശിനിയായ പതിനേഴുകാരിയെയാണ് ഇയാൾ പീഡനത്തിന് ഇരയാക്കിയത്. ഇതേ തുടർന്ന് പെൺകുട്ടി തീകൊളുത്തി ആത്മഹത്യക്ക് ശ്രമിച്ചിരുന്നു.
Whatsapp Group 1 | Whatsapp Group 2 |Telegram Group
ശരീരത്തിൽ 65 ശതമാനത്തോളം പൊള്ളലേറ്റ പെൺകുട്ടിയെ കോട്ടയം മെഡിക്കൽ കോളജ് ആശുപത്രിയിൽ ചികിത്സയിൽ കഴിയുകയാണ്.
ഇന്നലെ രാത്രിയിലായിരുന്നു സംഭവം. വീട്ടിൽ ആരും ഇല്ലാതിരുന്ന സമയത്താണ് പെൺകുട്ടി ആത്മഹത്യയ്ക്ക് ശ്രമിച്ചത്. ഇതേ തുടർന്ന് പെൺകുട്ടി ആദ്യം കട്ടപ്പനയിലെ സ്വകാര്യ ആശുപത്രിയിൽ പ്രവേശിപ്പിച്ചിരുന്നു.
എന്നാൽ ആരോഗ്യനില മോശമായതിനെ തുടർന്ന് കോട്ടയം മെഡിക്കൽ കോളജിലേക്ക് മാറ്റുകയായിരുന്നു.
പെൺകുട്ടി ആത്മഹത്യയ്ക്ക് ശ്രമിച്ചതോടെ തുടർന്ന ബന്ധുക്കൾ അയൽവാസിയായ യുവാവിനെതിരെ പരാതി നൽകുകയായിരുന്നു. പൊലീസ് പ്രതിക്കെതിരെ നടപടികൾ ആരംഭിച്ചതിനെ തുടർന്ന് പ്രതി യുവാവ് ഒളിവിൽ പോവുകയും ചെയ്തിരകുന്നു.
ഇയാൾ ഡിവൈഎഫ്ഐ പ്രവർത്തകനായിരുന്ന മനുവിനെ സംഭവത്തിന് ശേഷം സംഘടനയിൽ നിന്ന് പുറത്താക്കിയിരുന്നു.
