രണ്ട് വർഷമായി വിവാഹ വാഗ്ദാനം നൽകി പീഡനം : പത്തനംതിട്ട സ്വദേശിനിയുടെ പരാതിയിൽ സഹസംവിധായകനെതിരെ പൊലീസ് കേസെടുത്തു

സ്വന്തം ലേഖകൻ

കൊച്ചി : വിവാഹവാഗ്ദാനം നൽകി പീഡിപ്പിച്ച സഹസംവിധായകനെതിരെ പൊലീസ് കേസെടുത്തു. പത്തനംതിട്ട സ്വദേശിനിയുടെ പരാതിയിൽ സഹസംവിധായകൻ പള്ളുരുത്തി കമ്പത്തോടത്ത് രാഹുൽ ചിറയ്ക്കലിനെതിരെയാണ് (32) എളമക്കര പൊലീസ് കേസെടുത്തിരിക്കുന്നത്.

രണ്ടുവർഷമായി വിവാഹവാഗ്ദാനം നൽകി ലൈംഗികമായി പീഡിപ്പിച്ചുവെന്നാണ് യുവതി പൊലീസിൽ പരാതി നൽകിയിരിക്കുന്നത്.

സോഷ്യൽ മീഡിയ വഴിയാണ് ഇരുവരും പരിചയപ്പെടുന്നതും പിന്നീട് അടുപ്പത്തിലാവുന്നതും. തുടർനന് വിവാഹവാഗ്ദാനം നൽകിയശേഷം പലപ്പോഴായി ഇയാൾ യുവതിൽ നിന്നും ആറുലക്ഷം രൂപയുടെ സാധനങ്ങളും വാങ്ങിയെടുത്തു.

ഐ ഫോൺ, ലാപ്‌ടോപ് എന്നിവ തട്ടിയെടുത്തതായും രാഹുലിന്റെ അമ്മയുടെ പിറന്നാളിന് സ്വർണത്തിന്റെ കമ്മൽ വാങ്ങിപ്പിച്ചതായും പരാതിയിലുണ്ട്.

യുവതിയുടെ പരാതിയെ തുടർന്ന് രാഹുലിനായി അന്വേഷണം ആരംഭിച്ചതായി എളമക്കര എസ്.എച്ച്.ഒ ഡി.ദീപു പറഞ്ഞു.