നരേന്ദ്ര മോദിയുടെ പാത പിന്തുടർന്ന് പിണറായി വിജയനും ; നിരന്തരം പരിഹസിച്ചവർ അതേ വഴിയിലെത്തിയെന്ന് സോഷ്യൽ മീഡിയ

സ്വന്തം ലേഖകൻ

തിരുവനന്തപുരം : പ്രധാനമന്ത്രി നരേന്ദ്രമോദിയുടെ സ്വപ്‌ന പദ്ധതികളിലെന്നായിരുന്നു സ്വച്ഛ് ഭാരത് പദ്ധതി. ആ പദ്ധതിയെ നിരന്തരം പരിഹസിച്ച പിണറായി സർക്കാർ ഒടുവിൽ ആ പദ്ധതി കേരളത്തിൽ ഇപ്പോൾ സ്വന്തമായി നടപ്പാക്കുന്നു . സംസ്ഥാനത്താകെ 12,000 ജോഡി ശുചിമുറികളാണ് നിർമ്മിക്കാൻ പദ്ധതി ഇടുന്നത്.

സഹകരിക്കാൻ തയ്യാറുള്ള ഏജൻസികളെ ഇതിൽ പങ്കാളികളാക്കും. സർക്കാരിൻറെയും പൊതുമേഖലാ സ്ഥാപനങ്ങളുടെയും സഹകരണ സ്ഥാപനങ്ങളുടെയും ഭൂമി ഇതിനു വേണ്ടി പ്രയോജനപ്പെടുത്തും.

ജനുവരി ഒന്നാം തീയതി പ്രഖ്യാപിച്ച ഈ വർഷം നടപ്പിലാക്കാൻ ഉദ്ദേശിക്കുന്ന പദ്ധതികളിൽ പ്രധാനപ്പെട്ട ഒന്നാണിത്.പൊതു ശുചിമുറികളുടെ അഭാവം റോഡ് മാർഗം യാത്ര ചെയ്യുന്ന സ്ത്രീകളും കുട്ടികളും ഉൾപ്പെടെയുള്ളവർക്ക് പ്രയാസമുണ്ടാക്കുന്നുണ്ടെന്നും അതിനാലാണ് പുതിയ തീരുമാനമെന്നും മുഖ്യമന്ത്രി പിണറായി വിജയൻ വ്യക്തമാക്കി .

ശുചിമുറികളോടൊപ്പം സാധ്യതയുള്ള സ്ഥലങ്ങളിൽ അത്യാവശ്യസാധനങ്ങൾ വിൽക്കുന്ന സ്ഥലങ്ങളിലും ലഘുഭക്ഷണശാലകളും തുടങ്ങും. കേന്ദ്ര സർക്കാർ സ്വച്ഛ് ഭാരത് പദ്ധതി നടപ്പിലാക്കിയ വേളയിൽ ഇതിനെതിരെ നിരന്തരം പരിഹാസവും , ആക്ഷേപവും ഉയർത്തിയവർ തന്നെയാണ് ഇപ്പോൾ അതേ പദ്ധതിയുമായി രംഗത്തെത്തിയത് എന്നാണ് സോഷ്യൽ മീഡിയിലെ ചർച്ച.