പത്തു വയസുകാരിക്ക് പീഡനം; പത്തനംതിട്ടയിൽ 58 കാരൻ പിടിയിൽ

സ്വന്തം ലേഖകൻ

പത്തനംതിട്ട: പത്തു വയസുകാരിക്ക് പീഡനം. 58 കാരൻ പിടിയിൽ. കല്ലൂപ്പാറ കടുവാക്കുഴി ചുരക്കുറ്റിക്കൽ മണി എന്ന് വിളിക്കുന്ന ഭൂവനേശ്വര പിള്ള (58) ആണ് കീഴ്‌വായ്‌പ്പൂർ പോലീസിന്റെ പിടിയിലായത്. ഈ വർഷം ജനുവരിയിൽ രണ്ട് ദിവസങ്ങളിലായാണ് പ്രതി കുട്ടിയോട് ലൈംഗികാതിക്രമം കാട്ടിയത്.

ബുധനാഴ്ചയാണ് പോലീസിൽ വിവരം ലഭിക്കുന്നത്. തുടർന്ന് കുട്ടി പഠിക്കുന്ന സ്കൂളിൽ വച്ച് മാതാവിന്റെയും സ്കൂളിന്റെ ചുമതല വഹിക്കുന്ന സ്പെഷ്യൽ എഡ്യൂക്കേറ്ററുടെയും സാന്നിധ്യത്തിൽ പോലീസ് മൊഴി രേഖപ്പെടുത്തി.

കേസ് രജിസ്റ്റർ ചെയ്ത് പ്രാഥമിക അന്വേഷണത്തിന് ശേഷം പ്രതിയെ ഇയാളുടെ വീടിന് സമീപത്തു നിന്നും കസ്റ്റഡിയിലെടുക്കുകയായിരുന്നു. വിശദമായ ചോദ്യം ചെയ്യലിൽ പ്രതി കുറ്റം സമ്മതിച്ചു.

പ്രതിയെ തിരിച്ചറിഞ്ഞശേഷം അറസ്റ്റ് രേഖപ്പെടുത്തി. തുടർന്ന് കോടതിയിൽ ഹാജരാക്കി റിമാൻഡ് റിമാൻഡ് ചെയ്തു.