മഹാരാഷ്‌ട്രയില്‍ നിയന്ത്രണം നഷ്ടപ്പെട്ട കാർ കൊക്കയിലേക്ക് മറിഞ്ഞ് അപകടം; എട്ടുപേർക്ക് ദാരുണാന്ത്യം

മുംബൈ: മഹാരാഷ്‌ട്രയില്‍ കാർ കൊക്കയിലേക്ക് മറിഞ്ഞ് എട്ട് പേർ മരിച്ചു.

Link

Embed

Copy and paste this HTML code into your webpage to embed.

മഹാരാഷ്‌ട്രയിലെ റായ്ഗഡ് ജില്ലയിലെ അംബേനാലി ഘട്ടിന് സമീപം ഒരു സ്കോർപിയോ കാർ കൊക്കയിലേക്ക് വീണാണ് അപകടം. കാറിൽ സഞ്ചരിച്ചിരുന്ന 8 പേരും അപകടത്തില്‍ മരിച്ചു.

അൻഷ് സമീർ ചവാൻ (19), റിതേഷ് (22), ജിതേന്ദ്ര ലോഖണ്ഡെ (20), ആനന്ദ് ഷിങ്‌ഡെ (21), നിഖില്‍ (25), മഹേഷ് അനില്‍ പവാർ (25), ആദിത്യ അശോക് (21), രാജേഷ് അശോക് ഗഡ്കർ (35) എന്നിവരാണ് മരിച്ചത്. മൃതദേഹങ്ങള്‍ സർക്കാർ ആശുപത്രിയിലേക്ക് അയച്ചു.

മലയോര പാതയില്‍ വെച്ച്‌ ഡ്രൈവർക്ക് കാർ നിയന്ത്രണം നഷ്ടപ്പെട്ട് താഴ്‌വരയിലേക്ക് മറിയുകയായിരുന്നു എന്നാണ് പോലീസ് പറയുന്നത്. ഇന്ന് പുലർച്ചെ മൂന്ന് മണിയോടെയാണ് അപകടം നടന്നത്.