വയനാട്: മന്ത്രി കെ രാജനെതിരെ വയനാട് ടൗണ്ഷിപ്പിലെ വിള്ളല് കണ്ടെത്തിയ വീടിൻ്റെ ഉടമസ്ഥൻ നൗഫല്.
മന്ത്രി മാർക്ക് ചെയ്തത് മാത്രം മായ്ക്കാൻ ശ്രമിച്ചെന്നും വിള്ളല് വന്ന ഭാഗം തൊട്ടില്ലെന്നും നൗഫല് പറയുന്നു. വീടിന് വിള്ളല് ഉണ്ടെന്ന് തുറന്നു പറഞ്ഞതിന് പിന്നാലെ തനിക്ക് ഭീഷണി ഉണ്ടെന്നും അദ്ദേഹം പറഞ്ഞു.
മന്ത്രി രാജൻ മാർക്ക് ചെയ്തത് മാത്രം മായ്ക്കാൻ ശ്രമിക്കുകയാണ് ചെയ്തത്. വിള്ളല് വന്ന ഭാഗം തൊട്ടില്ല. എല്ലാവരും ചോറ് തന്നെയല്ലേ കഴിക്കുന്നത്? മന്ത്രിക്ക് കിളി പോയതുപോലെയാണ് തോന്നിയത്.
Whatsapp Group 1 | Whatsapp Group 2 |Telegram Group
മേല്ക്കൂരയില് നോക്കിയാല് വിള്ളല് കൃത്യമായി മനസ്സിലാകും. മന്ത്രി വീട് ഉടമസ്ഥനായ തന്നോട് ഒന്നും ചോദിച്ചതുമില്ല. വിള്ളല് ഉണ്ടെന്ന് തുറന്നു പറഞ്ഞതിന് പിന്നാലെ തനിക്ക് ഭീഷണി ഉണ്ടെന്നും നൗഫല് പറഞ്ഞു.
ടൗണ്ഷിപ്പിലെ വീട്ടില് വിള്ളല് ഇല്ലെന്നും വെള്ളം കിനിഞ്ഞിറങ്ങുക മാത്രമാണ് ഉണ്ടായതെന്നുമുള്ള വിചിത്ര വാദമാണ് മന്ത്രി പറഞ്ഞത്. വിള്ളല് വീണ ഭാഗം സാൻഡ് പേപ്പർ ഉപയോഗിച്ച് മായിക്കാൻ ശ്രമിച്ച മന്ത്രിയുടെ നടപടി വിവാദമാകുകയും ചെയ്തു.
ഇതിനിടെ ടൗണ്ഷിപ്പിലെ ഒരു വീട്ടില് കൂടി ചോർച്ച കണ്ടെത്തിയിട്ടുണ്ട്. വിവാദങ്ങള്ക്കിടെ യൂത്ത് കോണ്ഗ്രസ് ടൗണ്ഷിപ്പിലെ വീടുകള് സന്ദർശിക്കുകയും ചെയ്തു.
