സാമ്പത്തികമായി വലിയ ബുദ്ധിമുട്ട് നേരിടുന്നു; സര്‍ക്കാര്‍ വാഗ്ദാനങ്ങള്‍ പാലിക്കുന്നില്ല: ചൂരല്‍മലയില്‍ നാട്ടുകാരുടെ പ്രതിഷേധം

വയനാട്: ചൂരല്‍മലയില്‍ പ്രതിഷേധവുമായി നാട്ടുകാർ. സർക്കാർ വാഗ്ദനങ്ങള്‍ പാലിക്കുന്നില്ലെന്ന് ചൂണ്ടിക്കാട്ടിയാണ് നാട്ടുകാരുടെ പ്രതിഷേധം. ബെയ്ലി പാലത്തിനു മുൻപില്‍ പൊലീസുമായി നാട്ടുകാർ തർക്കത്തിലേർപ്പെട്ടു.

മഴ കനത്തതോടെ പുഴയില്‍ നീരൊഴുക്ക് വർധിച്ചു. ഇത് പ്രദേശവാസികളെ ആശങ്കയിലാക്കിയിട്ടുണ്ട്. തുടർന്നാണ് പ്രതിഷേധം ഉണ്ടായത്.

സാമ്ബത്തികമായി വലിയ ബുദ്ധിമുട്ട് നേരിടുന്നതായി നാട്ടുകാർ പറയുന്നു. ‘ഒരുപാട് നാളായി പണിയില്ലാതെ ഇരിക്കുന്നു. ആ 9000 കൊടുത്തിരുന്നെങ്കില്‍ ഇത്ര റിസ്‌ക് എടുത്ത് ആളുകള്‍ പണിക്ക് പോകില്ലായിരുന്നു.

നിത്യ വേതനം എന്ന 300 രൂപ പോലും സർക്കാർ നല്‍കാൻ തയാറാകുന്നില്ല. ഇവിടെ താമസിക്കുന്നവരെ ആരും തിരിഞ്ഞുപോലും നോക്കുന്നില്ല ഞങ്ങള്‍ക്ക് ഇനി ജീവിക്കേണ്ടെന്നും. ബെയ്‌ലി പാലത്തില്‍ കയറി നില്‍ക്കാൻ പോവുകയാണ്’ പ്രദേശവാസി പറയുന്നു.