വയനാട് മാനന്തവാടിയിൽ നിർമ്മാണത്തിലിരുന്ന വീടിന്റെ ടെറസിന് മുകളില്‍ നിന്നും താഴെ വീണ് വീട്ടമ്മയ്ക്ക് ദാരുണാന്ത്യം; ടെറസ് നനയ്ക്കുന്നതിനിടെ മുകളിൽ നിന്നും കാല് തെറ്റി വീഴുകയായിരുന്നു

സ്വന്തം ലേഖകൻ

മാനന്തവാടി: നിര്‍മാണത്തിലിരുന്ന വീട് നനക്കുന്നതിനിടെ ഉണ്ടായ അപകടത്തില്‍ വീട്ടമ്മയ്ക്ക് ദാരുണന്ത്യം. അപ്പപ്പാറ അരമംഗലം മഠത്തില്‍ വീട്ടില്‍ കൗസല്യ(65)യാണ് മരിച്ചത്.

ഭര്‍ത്താവിനൊപ്പം ടെറസിന് മുകളില്‍ നനക്കാന്‍ കയറിയ കൗസല്യ കാല് തെറ്റി താഴെ വീഴുകയായിരുന്നെന്ന് ബന്ധുക്കള്‍ പറഞ്ഞു.

ഉടന്‍ മാനന്തവാടിയിലെ വയനാട് മെഡിക്കല്‍ കോളേജിലെത്തിച്ചെങ്കിലും യാത്രാമധ്യേ മരണപ്പെടുകയായിരുന്നു. ഭര്‍ത്താവ്: ബാലകൃഷ്ണന്‍. മക്കള്‍: ബിന്ദു, സിന്ധു, സതീഷ്, ബിനീഷ്. സംസ്‌കാരം ഇന്ന് ഉച്ചക്ക് ഒരു മണിക്ക് വീട്ടുവളപ്പില്‍ നടക്കും.