വി എസിന്റെ നൂറാം പിറന്നാള്‍ ആഘോഷം; മുന്‍ പി.എ. എ.സുരേഷിന് വിലക്ക്; തന്നെ ഒഴിവാക്കിയതിന്‍റെ കാരണം അറിയില്ലെന്ന് എ.സുരേഷ്

സ്വന്തം ലേഖിക

വി എസ് അച്ചുതാനന്ദന്റെ നൂറാം പിറന്നാള്‍ ആഘോഷത്തില്‍ നിന്ന് വിഎസിന്റെ സന്തതസഹചാരിയായിരുന്ന മുൻ പി എ എ സുരേഷിന് പാര്‍ട്ടി വിലക്ക്.

ആദ്യം സുരേഷിനെ പരിപാടിയിലേക്ക് ക്ഷണിച്ചിരുന്നു. എന്നാല്‍ പിന്നീട് പങ്കെടുക്കേണ്ടതില്ലെന്ന് സംഘാടകര്‍ സുരേഷിനെ അറിയിക്കുകയായിരുന്നു. പരിപാടിക്കായി ആദ്യമിറക്കിയ പോസ്റ്ററില്‍ സുരേഷിന്റെ പേരുണ്ടായിരുന്നു.
എന്നാല്‍ പിന്നീട് ഇറക്കിയ പോസ്റ്ററില്‍ നിന്ന് സുരേഷിന്റെ പേരൊഴിവാക്കി.

പരിപാടിക്ക് വരേണ്ടതില്ലെന്ന് സംഘാടകര്‍ സുരേഷിനെ അറിയിക്കുകയായിരുന്നു. പാര്‍ട്ടി അനുഭാവികളുടെ സംഘടനയാണ് പരിപാടി സംഘടിപ്പിക്കുന്നത്. സുരേഷിന്റെ പേരൊഴിവാക്കി പരിപാടിയുടെ പുതിയ പോസ്റ്റര്‍ ഇറക്കി. എന്നാൽ പിറന്നാള്‍ ആഘോഷത്തില്‍നിന്ന് ഒഴിവാക്കിയതിന്‍റെ കാരണം അറിയില്ലെന്ന് എ.സുരേഷ് പറഞ്ഞു.