വിഴിഞ്ഞത്ത് മത്സ്യബന്ധനത്തിന് പോയി മടങ്ങിയ അഞ്ചംഗ സംഘം സഞ്ചരിച്ച വള്ളം മറിഞ്ഞു; ഒരാളുടെ മൃതദേഹം കണ്ടെത്തി

തിരുവനന്തപുരം: വിഴിഞ്ഞത് മത്സ്യബന്ധനത്തിന് പോയി മടങ്ങിയ അഞ്ചംഗ സംഘം സഞ്ചരിച്ച വള്ളം മറിഞ്ഞുണ്ടായ അപകടത്തില്‍ ഒരാള്‍ മരിച്ചു.

തഥയൂസ് ആണ് മരിച്ചത്. വിഴിഞ്ഞം മൗത്തിന് സമീപം ആണ് അപകടം. ശക്തമായ തിരയില്‍ വള്ളം മറിയുകയായിരുന്നു.

മൂന്ന് പേർ നീന്തി രക്ഷപ്പെട്ടു. മുത്തപ്പൻ, രജിൻ, പുഷ്പദാസ് എന്നിവരാണ് നീന്തി കരക്കു കയറിയത്. രണ്ടുപേരെ കാണാതായിരുന്നു. ഇതില്‍ ഒരാളുടെ മൃതദേഹമാണ് കണ്ടെത്തിയത്. സ്റ്റെല്ലസ് എന്നയാളെ ഇതുവരെ കണ്ടെത്തിയിട്ടില്ല.