അഹമ്മദാബാദ്: അഹമ്മദാബാദ് വിമാന അപകടത്തില് നിന്ന് അത്ഭുതകരമായി രക്ഷപ്പെട്ട യാത്രക്കാരൻ വിശ്വാസ് കുമാർ ആശുപത്രി വിട്ടു.
അന്വേഷണസംഘത്തിൻ്റെ നിർദ്ദേശ പ്രകാരം വിശ്വാസിനെ ഹോട്ടലിലേക്ക് മാറ്റി. അതിനിടെ, വിമാന അപകടമുണ്ടായ സ്ഥലത്തുനിന്ന് ഇന്നലെയും രണ്ട് ശരീരഭാഗങ്ങള് കണ്ടെത്തി.
242 പേരായിരുന്നു വിമാനത്തിലുണ്ടായിരുന്നത്. ഇതില് ഒരാളൊഴികെ 241 പേരും മരിക്കുകയായിരുന്നു.
മരിച്ച മലയാളി നഴ്സ് രഞ്ജിതയുടെ മൃതദേഹം ഇതുവരേയും തിരിച്ചറിഞ്ഞിട്ടില്ല.
Whatsapp Group 1 | Whatsapp Group 2 |Telegram Group
അതേസമയം, എയർഇന്ത്യ വിമാനങ്ങളില് സാങ്കേതിക തകരാർ തുടരുന്നത് യാത്രക്കാരെ ദുരിതത്തിലാക്കുന്നു. സാൻഫ്രാൻസിസ്കോയില് നിന്നും മുംബൈയിലേക്ക് പുറപ്പെട്ട വിമാനവും തകരാറിനെ തുടർന്ന് പുലർച്ചെ കൊല്ക്കത്തയില് അടിയന്തരമായി ലാന്ഡ് ചെയ്തു.
കഴിഞ്ഞ ദിവസം മൂന്ന് വിമാനങ്ങള് തകരാറിനെ തുടർന്ന് യാത്രാമധ്യേ തിരിച്ചിറക്കിയിരുന്നു. അതിനിടെ ഡ്രോണ് ആക്രമണ സാധ്യത കണക്കിലെടുത്ത് അമർനാഥ് തീർത്ഥയാത്രാ പാത നോ ഫ്ലൈ സോണ് ആയി പ്രഖ്യാപിച്ചു.
