വിശുദ്ധ കുർബ്ബാന ക്രമത്തിൻ്റെ 100-ാം പതിപ്പ് പ്രകാശനം ചെയ്തു:പ്രകാശന കർമ്മം നിർവഹിച്ച് പരിശുദ്ധ ബസേലിയോസ് മാർത്തോമാ മാത്യൂസ് തൃതീയൻ കാതോലിക്കാ ബാവാ

കോട്ടയം: മലങ്കര ഓർത്തഡോക്സ് സുറിയാനി സഭയിൽ ഉപയോഗിച്ച് വരുന്ന വിശുദ്ധ കുർബാന ക്രമത്തിൻ്റെ 100-ാം പതിപ്പിൻ്റെ പ്രകാശന കർമ്മം പരിശുദ്ധ ബസേലിയോസ് മാർത്തോമാ

മാത്യൂസ് തൃതീയൻ കാതോലിക്കാ ബാവാ തിരുമേനി നിർവ്വഹിച്ചു.

മലങ്കര ഓർത്തഡോക്സ് സഭാ മാനേജിംഗ് കമ്മിറ്റി അംഗവും വിവാഹ സഹായ സമിതി കൺവീനറുമായ എ.കെ.ജോസഫ് പുസ്തകം ഏറ്റുവാങ്ങി.

കാതോലിക്കേറ്റ് സ്ഥാപനത്തിൻ്റെ വാർഷികത്തോട് അനുബന്ധിച്ച് ദേവലോകം കാതോലിക്കേറ്റ് അരമന ചാപ്പലിൽ നടന്ന ചടങ്ങിൽ യാക്കൂബ് തോമസ് റമ്പാൻ,ഫാ. ജോസഫ് കുര്യാക്കോസ്, ഫാ.

അശ്വിൻ ഫെർണാണ്ടസ് എന്നിവർ സംബന്ധിച്ചു.
മലങ്കര ഓർത്തഡോക്സ് ചർച്ച് പ്രസിദ്ധീകണ വിഭാഗമാണ് പുസ്തകം പ്രസിദ്ധീകരിച്ചിരിക്കുന്നത്.