കിടക്കയിൽ മൂത്രമൊഴിച്ചതിന് അമ്മയുടെ കാമുകൻ മർദിച്ചു; ഏഴു വയസുകാരൻ ഗുരുതരാവസ്ഥയിൽ .

സ്വന്തം ലേഖകൻ

കൊ​ച്ചി: ഇളയ സഹോദരൻ കിടക്കയിൽ മൂത്രം ഒഴിച്ചതായി ആരോപിച്ച് ഏഴു വയസുകാരന് അമ്മയുടെ കാമുകന്റെ ക്രൂര മർദനം. തൊ​ടു​പു​ഴ​യ്ക്കു സ​മീ​പം കു​മാ​ര​മം​ഗ​ലത്താണ് കുട്ടിയ്ക്ക് ക്രൂ​ര​മ​ർ​ദ​ന​മേ​റ്റത്. അമ്മയുടെ കാമുകൻ മർദിച്ച് അതീവ ഗുരുതരാവസ്ഥയിലാക്കിയ ഏ​ഴ് വ​യ​സു​കാ​ര​ൻ കോ​ല​ഞ്ചേ​രി മെ​ഡി​ക്ക​ൽ മി​ഷ​ൻ ആ​ശു​പ​ത്രി​യി​ൽ വെ​ന്‍റി​ലേ​റ്റ​റി​ൽ അ​ബോ​ധാ​വ​സ്ഥ​യി​ലാണ് . കു​ഞ്ഞി​ന്‍റെ ആ​രോ​ഗ്യ​നി​ല വ​ള​രെ മോ​ശ​മാ​ണെ​ന്ന് ആ​ശു​പ​ത്രി വൃ​ത്ത​ങ്ങ​ൾ പ​റ​ഞ്ഞു.

സം​ഭ​വ​ത്തി​ൽ കു​ട്ടി​യു​ടെ അ​മ്മ​യോ​ടൊ​പ്പം ക​ഴി​യു​ന്ന തി​രു​വ​ന​ന്ത​പു​രം സ്വ​ദേ​ശി അ​രു​ണ്‍ ആ​ന​ന്ദി​നെ പോ​ലീ​സ് ക​സ്റ്റ​ഡി​യി​ലെ​ടു​ത്തി​രു​ന്നു. ഇ​യാ​ളു​ടെ അ​റ​സ്റ്റ് ഉ​ച്ച​യോ​ടെ രേ​ഖ​പ്പെ​ടു​ത്തും. അ​മ്മ​യു​ടെ മൊ​ഴി വി​ശ​ദ​മാ​യി രേ​ഖ​പ്പെ​ടു​ത്തു​മെ​ന്നും പോ​ലീ​സ് അ​റി​യി​ച്ചു.

ഇ​ള​യ കു​ട്ടി കി​ട​ക്ക​യി​ൽ മൂ​ത്ര​മൊ​ഴി​ച്ച​താ​ണ് അ​രു​ണ്‍ ആ​ന​ന്ദ് ഏ​ഴു​വ​യ​സു​ള്ള മൂ​ത്ത കു​ട്ടി​യെ അ​തി​ക്രൂ​ര​മാ​യി മ​ർ​ദി​ക്കാ​ൻ കാ​ര​ണ​മെ​ന്നാ​ണ് പു​റ​ത്തു​വ​രു​ന്ന വി​വ​രം. കി​ട​ക്ക​യി​ൽ കി​ട​ന്ന ഏ​ഴു​വ​യ​സു​കാ​ര​ന്‍റെ ന​ടു​വി​നു ച​വി​ട്ടി തെ​റി​പ്പി​ച്ചു. കുട്ടി ഭി​ത്തി​യി​ൽ ത​ല​യ​ടി​ച്ചു അ​ല​മാ​ര​യ്ക്കി​ട​യി​ൽ വീ​ഴു​ക​യാ​യി​രു​ന്നു.

എ​ന്നി​ട്ടും അ​രി​ശം മാ​റാ​ത്ത അ​രു​ണ്‍ കു​ട്ടി​യെ വീ​ണ്ടും മ​ർ​ദി​ച്ചു. നി​ല​ത്തി​ട്ടു ച​വി​ട്ടി. മാ​താ​വ് ഇ​ട​പെ​ട്ട​പ്പോ​ൾ എ​ല്ലാ​വ​രെ​യും കൊ​ല്ലു​മെ​ന്നും ഭീ​ഷ​ണി​പ്പെ​ടു​ത്തി നി​ശ​ബ്ദ​മാ​ക്കി. കു​ട്ടി​യെ അ​ബോ​ധാ​വ​സ്ഥ​യി​ൽ കോ​ല​ഞ്ചേ​രി മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പ്ര​വേ​ശി​പ്പി​ക്കു​ക​യാ​യി​രു​ന്നു. കു​ട്ടി​യു​ടെ അ​മ്മ​യു​ടെ സു​ഹൃ​ത്തി​ന്‍റെ ക്രൂ​ര മ​ർ​ദ​ന​ത്തി​ൽ ര​ണ്ടാം ക്ലാ​സ് വി​ദ്യാ​ർ​ഥി​യു​ടെ ത​ല​യോ​ട്ടി പൊട്ടി തലച്ചോർ പുറത്തുവന്നു.

അ​രു​ണ്‍ തി​രു​വ​ന​ന്ത​പു​ര​ത്തൊ​രു കൊ​ല​പാ​ത​ക​ കേ​സി​ലെ പ്ര​തി​യാ​യി​രു​ന്നു. മ​ദ്യ​പി​ച്ചു വാ​ഹ​നം ഓ​ടി​ച്ച​തി​നു നൂ​റോ​ളം പ്രാ​വ​ശ്യം പി​ടി​ച്ചി​ട്ടു​ണ്ടെ​ന്നു പ്ര​തി ത​ന്നെ പോ​ലീ​സി​നോ​ടു​ സ​മ്മ​തി​ച്ചു. കു​ട്ടി​യു​ടെ പി​താ​വ് ഒ​രു​വ​ർ​ഷം മു​ന്പു മ​രി​ച്ചു പോ​യ​താ​ണ്. പി​ന്നീ​ട് ഭ​ർ​ത്താ​വി​ന്‍റെ അ​മ്മാ​യി​യു​ടെ മ​ക​ൻ അരുൺ സ​ഹാ​യി​ക്കാ​ൻ എ​ന്ന പേ​രി​ൽ ഇ​വി​ടെ കൂ​ടു​ക​യാ​യി​രു​ന്നു. ഇ​വ​ർ നി​യ​മ പ്ര​കാ​രം വി​വാ​ഹി​ത​ര​ല്ലെ​ന്നാ​ണ് സൂ​ച​ന.

എ​ന്നും ഇ​ള​യ​കു​ട്ടി​യെ രാ​ത്രി​യി​ൽ എ​ഴു​ന്നേ​ൽ​പി​ച്ചു മൂ​ത്ര​മൊ​ഴി​പ്പി​ച്ച​ശേ​ഷം കി​ട​ത്തേ​ണ്ട​തു ഏ​ഴാം​ക്ലാ​സുകാരനായ മൂത്ത കുട്ടിയായിരുന്നു. എന്നാൽ കഴിഞ്ഞ ദിവസം രാ​ത്രി​യി​ൽ കു​ട്ടി ഉ​റ​ങ്ങി​പ്പോ​യി. ഇ​ള​യ​കു​ട്ടി കി​ട​ക്ക​യി​ൽ മൂ​ത്ര​മൊ​ഴി​ച്ചു ക​ര​ഞ്ഞു. ഇ​താ​ണ് അ​രു​ണി​നെ പ്രകോപിപ്പിച്ചത്. ഇ​ള​യ​കു​ട്ടി​യേ​യും മ​ർ​ദി​ച്ചു. എ​ന്നാ​ൽ ഈ കുട്ടിയുടെ പരിക്ക് ഗുരുതരമല്ല.

ബു​ധ​നാ​ഴ്ച വൈ​കുന്നേരത്തോടെ​യാ​ണ് തൊ​ടു​പു​ഴ​യി​ലെ ഒ​രു സ്വ​കാ​ര്യ ആ​ശു​പ​ത്രി​യി​ൽ കുട്ടിയെ ഗു​രു​ത​രാ​വ​സ്ഥ​യി​ൽ എ​ത്തി​ച്ച​ത്. അ​സ്വാ​ഭാ​വി​ക​ത തോ​ന്നി​യ ഡോ​ക്ട​ർ​മാ​ർ പോ​ലീ​സി​നെ വി​വ​ര​മ​റി​യി​ക്കു​ക​യാ​യി​രു​ന്നു. കുട്ടിയുടെ ത​ല​യ്ക്കായിരുന്നു ഗുരുതര പരിക്ക്.