ഡോ. വന്ദനയുടെ കൊലപാതകം: ഇന്ത്യന്‍ ഹോമിയോപതിക്‌ മെഡിക്കല്‍ അസോസിയേഷന്‍ പ്രതിഷേധ ദിനം ആചരിച്ചു.
സ്വന്തം ലേഖകൻ
ഡ്യൂട്ടിക്കിടയില്‍ ഡോ. വന്ദനദാസ് ദാരുണമായി കൊല്ലപ്പെട്ടതില്‍ ഇന്ത്യന്‍ ഹോമിയോപതിക്‌ മെഡിക്കല്‍ അസോസിയേഷന്‍ പ്രതിഷേധ ദിനം ആചരിച്ചു.
ആരോഗ്യ പ്രവര്‍ത്തകര്‍ക്ക് നേരെയുള്ള അതിക്രമങ്ങള്‍ അവസാനിപ്പിക്കാന്‍ തക്കതായ നടപടിയെടുക്കണം എന്ന് കേരള മുഖ്യമന്ത്രിക്ക് കൊടുത്ത നിവേദനത്തില്‍ ഐ.എച്ച്‌.എം.എ സംസ്ഥാന പ്രസിഡന്റ് ഡോ.ഷമീം,
Whatsapp Group 1 | Whatsapp Group 2 |Telegram Group
സംസ്ഥാന ജനറല്‍ സെക്രട്ടറി ഡോ. പരിമള്‍ ചാറ്റര്‍ജി എന്നിവര്‍ ആവശ്യപ്പെട്ടു. ഐ.എച്ച്‌.എം.എ ഭാരവാഹികള്‍ ഡോ. വന്ദനയുടെ ഭവനം സന്ദര്‍ശിച്ചു ആദരാഞ്ജലികള്‍ അര്‍പ്പിച്ചു.
ഡോ. വന്ദനാ ദാസിന്റെ കൊലപാതകത്തിന്റെ പശ്ചാത്തലത്തില്‍ കേരളത്തില്‍ ഉടനീളം ലഹരി വിരുദ്ധ പ്രചാരണ പദ്ധതികളുമായി ശക്തമായി മുന്നിട്ടിറങ്ങുമെന്ന് ഇന്ത്യന്‍ ഹോമിയോപ്പതിക് മെഡിക്കല്‍ അസോസിയേഷന്‍ ഭാരവാഹികള്‍ അറിയിച്ചു. ലഹരി മരുന്നുകളുടെ ഉല്‍പാദനം, കടത്ത്‌, കച്ചവടം തുടങ്ങിയവ ഫലപ്രദമായി നിയന്ത്രിക്കുന്നതിനുളള നിയമ നിര്‍മാണം അടിയന്തരമായി ഉണ്ടാവണമെന്ന് ഐ.എച്ച്‌.എം.എ ആവശ്യപ്പെട്ടു.
