ഓണംതുരുത്ത് യുവധാര ആർട്ട്സ് ക്ലബ്ബിന് മികച്ച യൂത്ത് ക്ലബ്ബിന് പുരസ്കാരം നൽകി

സ്വന്തം ലേഖകൻ

കോട്ടയം: ജില്ലയിൽ 2020 – 21 വർഷത്തെ മികച്ച യൂത്ത് ക്ലബ്ബായി നെഹ്റു യുവകേന്ദ്ര തെരഞ്ഞെടുത്ത ഓണംതുരുത്ത് യുവധാര ആർട്ട്സ് ക്ലബ്ബിന് ജില്ലാ കളക്ടർ എം. അഞ്ജന പുരസ്ക്കാരം സമ്മാനിച്ചു.

മെഡിക്കൽ ക്യാമ്പുകൾ, കലാ-കായിക-സാംസ്കാരിക പ്രവർത്തനങ്ങൾ, ഡിജിറ്റൽ സാക്ഷരതാ കാമ്പയിന്‍, തൊഴിലധിഷ്ഠിത കമ്പ്യൂട്ടർ കോഴ്സുകൾ, സ്വച്ച് ഭാരത് മിഷൻ്റെ ഭാഗമായ ശുചീകരണ പ്രവർത്തനങ്ങൾ തുടങ്ങിയവയിലെ മികവാണ് യുവധാര ക്ലബ്ബിനെ പുരസ്ക്കാരത്തിന് അർഹമാക്കിയത്.

കളക്ടറേറ്റിൽ നടന്ന ചടങ്ങിൽ ക്ലബ്ബ് പ്രസിഡന്‍റ് ജിഷ്ണു രാജും സെക്രട്ടറി വി. അനൂപും പുരസ്ക്കാരം ഏറ്റുവാങ്ങി. നെഹ്റു യുവ കേന്ദ്ര ജില്ലാ യൂത്ത് ഓഫീസർ എച്ച്. സച്ചിൻ സന്നിഹിതനായിരുന്നു.