മുണ്ടക്കയം പോലീസ് സ്റ്റേഷന് മുകളിലേക്ക് വൻ മരം കടപുഴകി വീണു ; നിരവധി വാഹനങ്ങൾ തകർന്നു

മുണ്ടക്കയം : മുണ്ടക്കയം പോലീസ് സ്റ്റേഷന് മുകളിലേക്ക് വൻ മരം കടപുഴകി വീണു. മരം വീണതോടെ സ്റ്റേഷൻ്റെ മേൽക്കൂരയും സുരക്ഷാഭിത്തിയും സ്റ്റേഷൻ വളപ്പിൽ  നിർത്തിയിട്ടിരുന്ന വാഹനങ്ങളും തകർന്നു.

ഇന്ന് രാവിലെയാണ് കൂറ്റൻ മരുത് സ്റ്റേഷന് മുകളിലേക്ക് കടപുഴകി വീണത്.

അപകട സമയത്ത് പോലീസ് സ്റ്റേഷനിൽ ഉണ്ടായിരുന്ന പോലീസുകാരും പരാതി നൽകാനെത്തിയവരും തലനാരിഴയ്ക്കാണ് രക്ഷപ്പെട്ടത്.