ടാറിങ്ങ് ജോലികൾ പുരോ​ഗമിക്കുന്നു; കോട്ടയത്ത് ​ഗതാ​ഗത നിയന്ത്രണം

സ്വന്തം ലേഖകൻ

കോട്ടയം: ടാറിങ്ങ് ജോലികൾ പുരോ​ഗമിക്കുന്നതിനാൽ ജില്ലയിൽ ഗതാഗത നിയന്ത്രണം . വിജയപുരം ∙ തങ്കപ്പൻമാടം – ഇറഞ്ഞാൽ ദേവീക്ഷേത്രം റോഡിൽ ടാറിങ് നടക്കുന്നതിനാൽ ഇന്നു രാവിലെ 8 മുതൽ കുന്നംപള്ളി – ഇറഞ്ഞാൽ ഭാഗത്തു ഗതാഗത നിയന്ത്രണം ഉണ്ടായിരിക്കുമെന്നു പഞ്ചായത്തംഗം സിസി ബോബി അറിയിച്ചു.

കോട്ടയം∙ തവളക്കുഴി– ക്ലാമറ്റം– കടപ്പൂർ റോഡിൽ വള്ളിക്കാട് മുതൽ കടപ്പൂർ വരെ ടാറിങ് നടക്കുന്നതിനാൽ 13 മുതൽ പണി പൂർത്തിയാകുന്നതുവരെ ഇതുവഴിയുള്ള വാഹനഗതാഗതം പൂർണമായി നിരോധിച്ചതായി ഏറ്റുമാനൂർ പൊതുമരാമത്ത് നിരത്ത് വിഭാഗം അസിസ്റ്റന്റ് എൻജിനീയർ അറിയിച്ചു.

കടപ്പൂരിൽ നിന്നു വരുന്ന വാഹനങ്ങൾ വെമ്പള്ളി കടപ്പൂർ റോഡ് വഴി എംസി റോഡിൽ എത്തിയും തവളക്കുഴി ഭാഗത്തുനിന്നു വരുന്ന വാഹനങ്ങൾ എംസി റോഡ്, ഏറ്റുമാനൂർ-പൂഞ്ഞാർ എന്നീ റോഡുകൾ വഴിയും തിരിഞ്ഞു പോകേണ്ടതാണ്.