കള്ള് ചോദിച്ചിട്ട് കൊടുത്തില്ല;ചെത്തിക്കൊണ്ടിരിക്കെ യന്ത്രവാള്‍കൊണ്ട് തെങ്ങ് മുറിച്ചു;ചാടി രക്ഷപെടുന്നതിനിടെ വീണ് ചെത്തുതൊഴിലാളിയുടെ കാലൊടിഞ്ഞു

സ്വന്തം ലേഖകൻ

മറ്റത്തൂര്‍:കള്ള് ചോദിച്ചപ്പോള്‍ നല്‍കാത്തതിന്റെ പേരില്‍ ചെത്തിക്കൊണ്ടിരുന്ന തെങ്ങ് മുറിച്ചു. മരത്തില്‍ നിന്നും ചാടി രക്ഷപ്പെടുന്നതിനിടെ വീണ് ചെത്തുതൊഴിലാളിയുടെ കാലൊടിഞ്ഞു.

വെള്ളിക്കുളങ്ങര കൈലാന്‍ വീട്ടില്‍ ജയനാ (43)ണ് പരിക്കേറ്റത്.
മരംവെട്ടുതൊഴിലാളി മങ്കൊമ്ബില്‍ വീട്ടില്‍ ബിസ്മി (45)യാണ് യന്ത്രവാള്‍കൊണ്ട് കള്ളുചെത്തിക്കൊണ്ടിരിക്കെ തെങ്ങ് മുറിച്ചത്.

വെള്ളിക്കുളങ്ങര പൊത്തഞ്ചിറയില്‍ ഞായറാഴ്ച വൈകീട്ടാണ് സംഭവം. താഴെ തെങ്ങ് മുറിക്കുന്നതുകണ്ട് തെങ്ങിന്‍ മുകളിലുണ്ടായിരുന്ന ജയൻ ചാടി രക്ഷപ്പെടുകയായിരുന്നു. പിന്നാലെ തെങ്ങും നിലംപതിച്ചു.

സംഭവത്തില്‍ മരംവെട്ടുതൊഴിലാളി മങ്കൊമ്ബില്‍ വീട്ടില്‍ ബിസ്മിയെ പോലീസ് അറസ്റ്റ് ചെയ്തു.