ടിക് ടോക്ക് പ്രണയം ; പ്രായപൂർത്തിയാവാത്ത പെൺകുട്ടിയെ വിവാഹ വാഗ്ദാനം നൽകി പീഡിപ്പിച്ച യുവാവ് പൊലീസ് പിടിയിൽ

സ്വന്തം ലേഖകൻ

തിരുവനന്തപുരം: ടിക് ടോക്കിലൂടെ പരിചയപ്പെട്ട് വിവാഹ വാഗ്ദാനം നൽകി പ്രായപൂർത്തിയാകാത്ത പെൺകുട്ടിയെ പീഡിപ്പിച്ച യുവാവ് അറസ്റ്റിൽ. പെൺകുട്ടിയെ വയനാട്ടിലെ ഹോട്ടലിൽ എത്തിച്ചായിരുന്നു യുവാവ് പീഡിപ്പിത്. സംഭവത്തിൽ കാസർകോട് സ്വദേശി 23കാരൻ അഷീക് ആണ് പൊലീസ് പിടിയിലായത്.

എറണാകുളത്തുള്ള ഹോസ്റ്റലിൽ താമസിച്ച് പഠിക്കുകയായിരുന്നു പെൺകുട്ടി. കേസിൽ പിടിയിലായ ആഷിക് ബംഗളൂരുവിലെ റസ്റ്റോറന്റിൽ സൂപ്പർവൈസറാണ്.ഹോസ്റ്റൽ അധികൃതരെ പിതാവിന്റെ അനുജനാണെന്ന് പറഞ്ഞ് തെറ്റിദ്ധരിപ്പിച്ചശേഷം പെൺകുട്ടിയെ വീട്ടിലേക്കെന്ന് പറഞ്ഞ് വയനാട്ടിലെ ഹോട്ടലിലേക്ക് യുവാവ് കൂട്ടിക്കൊണ്ടുപോകുകയായിരുന്നു.

രണ്ട് ദിവസം കഴിഞ്ഞിട്ടും പെൺകുട്ടി ഹോസ്റ്റലിൽ തിരിച്ചെത്താത്തതിനെ തുടർന്ന് ഹോസ്റ്റൽ അധികൃതർ ബന്ധുക്കളെ വിളിച്ച് വിവരം അന്വേഷിച്ചപ്പോഴാണ് വീട്ടിൽ എത്തിയിരുന്നില്ലെന്ന വിവരം ഹോസ്റ്റൽ അധികൃതർ അറിയുന്നത്. തുടർന്ന്് പെൺകുട്ടിയെ കാണാനില്ലെന്ന് ബന്ധുക്കൾ പള്ളിക്കൽ പൊലീസിനു നൽകിയ പരാതിയെത്തുടർന്ന് നടത്തിയ അന്വേഷണത്തിലാണ് പ്രതി പിടിയിലായത്. പ്രതിയെ കോടതി റിമാൻഡ് ചെയ്തു