തിരുവല്ല ടൗണിൽ പ്രവർത്തിക്കുന്ന സ്ഥാപനങ്ങളിൽ നിന്നും രണ്ട് ലക്ഷത്തോളം രൂപ മോഷ്ടിച്ച കേസിൽ ഒരാൾ പിടിയിൽ

തിരുവല്ല : തിരുവല്ല ടൗണിൽ രണ്ട് ലക്ഷത്തോളം രൂപ മോഷ്ടിച്ച കേസില്‍ ഒരാൾ പിടിയിൽ. ഇടുക്കി മാങ്കുളം വിരിപ്പാറ അഡാട്ട് വീട്ടില്‍ എ.ജെ. തോമസാണ് (മാങ്കുളം തോമസ് -69) അറസ്റ്റിലായത്.

തിരുവല്ല നഗരത്തില്‍ പ്രവർത്തിക്കുന്ന മിഡാസ് ബ്യൂട്ടിപാർലർ, ആല്‍ഫ ട്രേഡിങ് കമ്ബനി എന്നിവിടങ്ങളില്‍ നടന്ന മോഷണത്തിലാണ് ഇയാള്‍ കുടുങ്ങിയത്.

ജൂണ്‍ നാലിന് രാത്രി ആല്‍ഫ ട്രേഡിങ് കമ്ബനിയില്‍ നടത്തിയ മോഷണത്തിനിടെ ലഭിച്ച സി.സി ടി.വി ദൃശ്യങ്ങളില്‍നിന്നാണ് പ്രതിയെ തിരിച്ചറിഞ്ഞത്.

എസ്.ഐ അനൂപ്, അഖിലേഷ്, അവിനാശ്, മനോജ് എന്നിവർ അടങ്ങുന്ന സംഘമാണ് മാങ്കുളത്തുനിന്ന് പിടികൂടിയത്. മോഷണത്തിലൂടെ ലഭിക്കുന്ന പണം ആർഭാടജീവിതം നയിക്കുന്നതിനാണ് പ്രതി ഉപയോഗിച്ചിരുന്നത്.

തിരുവല്ലയിൽ പഴക്കട കുത്തിത്തുറന്ന് കവർച്ച; അരലക്ഷത്തോളം രൂപയുടെ പഴങ്ങൾ മോഷ്ടിച്ചു; അന്വേഷണം ആരംഭിച്ച് പൊലീസ്

സ്വന്തം ലേഖകൻ

തിരുവല്ല: പഴക്കട കുത്തിത്തുറന്ന് കവർച്ച. കുറ്റൂർ ആറാട്ടുകടവിൽ പ്രവർത്തിക്കുന്ന കുറ്റൂർ പാർവതി നിലയത്തിൽ സന്തോഷിന്‍റെ ഫ്രൂട്ട്സ് കടയാണ് മോഷണം നടന്നത്. കട കുത്തിത്തുറന്നായിരുന്നു പഴങ്ങൾ കവർന്നത്. കടയിൽ നിന്നും അരലക്ഷത്തോളം രൂപയുടെ പഴങ്ങളാണ് മോഷ്ടാവ് കവർന്നത്.

തിങ്കളാഴ്ച രാവിലെയോടെയാണ് മോഷണ വിവരം പുറത്തിറഞ്ഞത്. കടയുടമ നൽകിയ പരാതിയിൽ തിരുവല്ല പൊലീസ് കേസെടുത്ത് അന്വേഷണം ആരംഭിച്ചു.