തിരുവല്ല കവിയൂരിൽ ആക്രി സാധനങ്ങൾ സൂക്ഷിച്ചിരുന്ന ഷെഡിന് തീപിടിച്ചു; ആളപായമില്ല

സ്വന്തം ലേഖകൻ

തിരുവല്ല: കവിയൂർ ഞാലികണ്ടത്ത് ആക്രി സാധനങ്ങൾ സൂക്ഷിച്ചിരുന്ന ഷെഡിന് തീപിടിച്ചു. പഴയ ടയറുകളും അക്രി സാധനങ്ങളും സൂക്ഷിച്ചിരുന്നു.എല്ലാം പൂർണമായും കത്തി നശിച്ചു.

ഞാലികണ്ടം കാലേക്കാട്ടിൽ വീടിന് സമീപത്തെ ഷെഡിനാണ് തീ പടർന്നു പിടിച്ചത്.

തിങ്കളാഴ്ച പുലർച്ചെ ഒരു മണിയോടെയാണ് തീപിടുത്തം ഉണ്ടായത്. തിരുവല്ലയിൽ നിന്നുള്ള ഫയർഫോഴ്സും പൊലീസും സ്ഥലത്തെത്തി തീ അണച്ചു. പുരലർച്ചയായതിനാൽ ആളപായമില്ല . നാശനഷ്ടങ്ങളുടെ കണക്ക് വ്യക്തമായിട്ടില്ല.