തിരുവല്ലയിൽ കഞ്ചാവുമായി രണ്ടു യുവാക്കൾ അറസ്റ്റിൽ; താലൂക്ക് ആശുപത്രിക്ക് സമീപത്ത് നിന്നും 250 ഗ്രാം കഞ്ചാവുമായാണ് പ്രതികൾ പിടിയിലായത്

സ്വന്തം ലേഖകൻ

തിരുവല്ല: 250 ഗ്രാം കഞ്ചാവുമായി രണ്ട് യുവാക്കളെ തിരുവല്ല താലൂക്ക് ആശുപത്രിക്ക് സമീപത്ത് നിന്നും ഡാൻസാഫ് സംഘം പിടികൂടി. കാവുംഭാഗം കിഴക്ക് മുറി കുസുമ സദനത്തിൽ അഖില്‍ (30), പാലിയേക്കര പെരുമ്പാലത്തിൽകാലാ വീട്ടിൽ ജോൺ കുരുവിള (29) എന്നിവരാണ് പിടിയിലായത്.

ബുധനാഴ്ച ഉച്ചയോടെ തിരുവല്ല താലൂക്ക് ആശുപത്രിക്ക് സമീപത്തുനിന്നാണ് ഇവരെ പിടികൂടിയത്. ഇവർ സഞ്ചരിച്ച ബൈക്കും പൊലീസ് പിടികൂടി.

ജില്ലാ പൊലീസ് മേധാവിക്ക് ലഭിച്ച രഹസ്യ വിവരത്തെ തുടർന്നായിരുന്നു നടപടി. പിടിയിലായ പ്രതികളെ തിരുവല്ല പൊലീസിന് കൈമാറി.