വ്യാ​ജ ന​മ്പ​റു​ള്ള ബൈ​ക്കുകളിൽ കറക്കം; പ്രായമായ സ്ത്രീകള്‍ ലക്ഷ്യം..! പിന്നാലെ എത്തി മാല പൊട്ടിച്ച് മുങ്ങും; വീണ്ടും ന​മ്പ​റും നി​റ​വും മാ​റ്റി​യ​ശേ​ഷം മോഷണം ; സിസിടിവി ദൃശ്യങ്ങളിൽ കുടുങ്ങി യുവാക്കൾ

സ്വന്തം ലേഖകൻ

തിരുവനന്തപുരം: വ്യാജ നമ്പർ പ്ലേറ്റുള്ള ബൈക്കി​ൽ ക​റ​ങ്ങി നടന്ന് മോഷണം നടത്തുന്ന സം​ഘ​ത്തി​ലെ ര​ണ്ടു​പേ​ർ പി​ടി​യി​ൽ. തേ​ക്കും​മൂ​ട് വ​ഞ്ചി​യൂ​ർ സ്വ​ദേ​ശി ബി​ജു (38), ഗൗ​രീ​ശ​പ​ട്ടം ടോ​ണി നി​വാ​സി​ൽ റി​നോ ഫ്രാ​ൻ​സി​സ് (32) എ​ന്നി​വ​രെ​യാ​ണ് ശ്രീ​കാ​ര്യം പൊ​ലീ​സ് അ​റ​സ്റ്റ് ചെ​യ്ത​ത്.

ക​ല്ലം​പ​ള്ളി, ഇ​ളം​കു​ളം, ചെ​റു​വ​യ്ക്ക​ൽ, ക​രി​മ്പും​കോ​ണം തു​ട​ങ്ങി​യ സ്ഥ​ല​ങ്ങ​ളി​ൽ ബൈ​ക്കി​ൽ ക​റ​ങ്ങി സ്ത്രീകളുടെ മാ​ല പൊ​ട്ടി​ച്ച സം​ഘ​മാ​ണ് പി​ടി​യി​ലാ​യ​ത്. വി​വി​ധ സ്ഥ​ല​ങ്ങ​ളി​ലെ 250 ഓ​ളം സിസിടിവി ക്യാ​മ​റ ദൃ​ശ്യ​ങ്ങ​ൾ പ​രി​ശോ​ധി​ച്ചാ​ണ് പ്ര​തി​ക​ളെ പൊ​ലീ​സ് പി​ടി​കൂ​ടി​യ​ത്.

വ്യാ​ജ ന​മ്പ​റു​ള്ള ബൈ​ക്കി​ലെ​ത്തി മാ​ല പൊ​ട്ടി​ച്ച​ശേ​ഷം ന​മ്പ​റും നി​റ​വും മാ​റ്റി​യാണ് ​പ്രതി​ക​ൾ അ​ടു​ത്ത മോ​ഷ​ണം ന​ട​ത്തു​ന്ന​ത്. പ്രാ​യ​മാ​യ സ്ത്രീ​ക​ളു​ടെ മാ​ല​ക​ളാ​ണ് പ്ര​തി​ക​ൾ പൊ​ട്ടി​ച്ചെ​ടു​ത്ത​ത്. നാ​ലു സ്ഥ​ല​ങ്ങ​ളി​ലാ​യി 12 പ​വ​നോ​ളം മാ​ല​ക​ളാ​ണ് പ്ര​തി​ക​ൾ പൊ​ട്ടി​ച്ച​ത്.

ശ്രീ​കാ​ര്യം ഇ​ൻ​സ്പെ​ക്​​ട​ർ കെ.​ആ​ർ. ബി​ജു, എ​സ്.​ഐ​മാ​രാ​യ ബി​നോ​ദ് കു​മാ​ർ, എം. ​പ്ര​ശാ​ന്ത്, സി.​പി.​ഒ​മാ​രാ​യ വി​നീ​ത്, സ​ന്ദീ​പ്, പ്ര​ശാ​ന്ത്, ബി​നു, ഷെ​ർ​ഷ ഖാ​ൻ, വി​നോ​ദ്, ദീ​പു തു​ട​ങ്ങി​യ​വ​രാ​ണ് പ്ര​തി​ക​ളെ പി​ടി​കൂ​ടി​യ​ത്.