വൈക്കം തലയോലപ്പറമ്പിൽ വീട്ടിൽ അതിക്രമിച്ച് കയറി ആക്രമണം; സംഘർഷത്തെ തുടര്‍ന്ന് നാല് പേര്‍ അറസ്റ്റില്‍

സ്വന്തം ലേഖിക

തലയോലപ്പറമ്പ്: വടയാർ മിഠായികുന്നം ഭാഗത്തെ വീട്ടിൽ ഉണ്ടായ സംഘർഷത്തെ തുടർന്ന് നാലു പേരെ പൊലീസ് അറസ്റ്റ് ചെയ്തു.

വടയാർ മിഠായിക്കുന്നം തെക്കിനേഴത്ത് വീട്ടിൽ ഗോപകുമാർ (28), ഇയാളുടെ സഹോദരനായ ഗോകുൽ (24), തലയോലപ്പറമ്പ്,പാറകണ്ടം പാലിയ കുന്നേൽ വീട്ടിൽ ഗിരീഷ് കുമാർ(42), പൊതി മിഠായിക്കുന്നം മനുപുഞ്ചയിൽ വീട്ടിൽ ധനീഷ് (38) എന്നിവരെയാണ് തലയോലപ്പറമ്പ് പോലീസ് അറസ്റ്റ് ചെയ്തത്.

തന്റെ മകളെ ദേഹോപദ്രവം ഏൽപ്പിച്ചതിനെകുറിച്ച് തിരക്കാൻ ഗോപകുമാറിന്റെയും ഗോകുലിന്റെയും വീട്ടിൽ ഗിരീഷ് കുമാറും, ധനീഷും ചെല്ലുകയും തുടർന്ന് ഇരുകൂട്ടരും തമ്മിൽ വാക്ക് തർക്കം ഉണ്ടാവുകയും ഇത് സംഘർഷത്തിൽ കലാശിക്കുകയുമായിരുന്നു. തുടർന്ന് ഇരുകൂട്ടർക്കും എതിരെ തലയോലപ്പറമ്പ് പോലീസ് വധശ്രമത്തിന് കേസ് രജിസ്റ്റർ ചെയ്യുകയും ഇവരെ നാലു പേരെയും അറസ്റ്റ് ചെയ്യുകയുമായിരുന്നു.

തലയോലപ്പറമ്പ് പോലീസ്‌ സ്റ്റേഷൻ എസ്സ്.എച്ച്.ഓ ബിജു കെ.ആർ, എസ്.ഐ മാരായ സിവി എൻ.ജി , സുശീലൻ ,സജികുമാർ, സി.പി.ഓ. ഗിരീഷ് എന്നിവര്‍ ചേര്‍ന്നാണ് ഇവരെ അറസ്റ്റ് ചെയ്തത്.