ലോക്സഭാ ഇലക്ഷൻ : സാമൂഹ്യ മാധ്യമങ്ങൾ വഴിയുള്ള നിയമവിരുദ്ധ പോസ്റ്റുകൾക്കെതിരെ നടപടി സ്വീകരിക്കുമെന്ന് കോട്ടയം ജില്ലാ പോലീസ് മേധാവി

കോട്ടയം : ലോക്സഭാ തെരഞ്ഞെടുപ്പുമായി ബന്ധപ്പെട്ട് സാമൂഹ്യ മാധ്യമങ്ങൾ വഴി തിരഞ്ഞെടുപ്പ് ചട്ടങ്ങൾക്ക് വിരുദ്ധമായ പോസ്റ്റുകളും മറ്റു വ്യാജ പ്രചരണങ്ങളും തടയുന്നതിനായി ശക്തമായ മുൻകരുതലകളുമായി കോട്ടയം ജില്ലാ പോലീസ്. ഇതിനായി സൈബര്‍ സെല്ലിന്റെ കീഴില്‍ പ്രത്യേക സൈബർ പെട്രോളിങ് ടീമിനെയാണ് നിയോഗിച്ചിരിക്കുന്നത്.

ചട്ട വിരുദ്ധമായ പോസ്റ്റുകളും മറ്റും പ്രചരിപ്പിക്കുന്നവർക്കെതിരെ ശക്തമായ നിയമനടപടി സ്വീകരിക്കുമെന്നും, ജില്ലാ പോലീസ് മേധാവി കെ.കാർത്തിക് പറഞ്ഞു.

സാമൂഹ്യമാധ്യമങ്ങൾ വഴിയുള്ള അപകീർത്തി പരമോ, തെറ്റിദ്ധാരണ ജനകമോ, രാഷ്ട്രീയ/ സാമൂഹികപരമായി വിദ്വേഷ ജനകമോ, വ്യക്തിഹത്യ വരുത്തുന്നതോ ആയ പോസ്റ്റുകൾ ശ്രദ്ധയിൽപ്പെട്ടാൽ 949794-2705 എന്ന വാട്സ്ആപ്പ് നമ്പറിലേക്ക് പൊതുജനങ്ങൾക്കും അറിയിക്കാവുന്നതാണ്.