കൊച്ചി: സൂത്രവാക്യം സിനിമയുമായി ബന്ധപ്പെട്ട വിവാദങ്ങളില് നടി വിൻസി അലോഷ്യസിനോട് പരസ്യമായി മാപ്പ് പറഞ്ഞ് നടൻ ഷൈൻ ടോം ചാക്കോ. പ്രശ്നങ്ങള് പരസ്പരം പറഞ്ഞു തീർത്തെന്ന് ഇരുവരും പറഞ്ഞു.
എന്റെ ഭാഗത്ത് നിന്നും എന്തെങ്കിലും പ്രശ്നം ഉണ്ടായിട്ടുണ്ടെങ്കില് ക്ഷമ ചോദിക്കുന്നുവെന്നും, ഒന്നും മനഃപൂര്വം ചെയ്തതല്ലന്നും ഷൈൻ ടോം പറഞ്ഞു.
സൂത്രവാക്യം സിനിമയുടെ ചിത്രീകരണത്തിനിടെ ഷൈന് ടോം ചാക്കോ ലഹരി ഉപയോഗിച്ച് തന്നോട് മോശമായി പെരുമാറി എന്നായിരുന്നു വിന്സി അലോഷ്യസിന്റെ പരാതി. ഈ പരാതി സിനിമ മേഖലയില് വന് വിവാദമായിരുന്നു. മാസങ്ങള്ക്ക് ശേഷം അതേ സിനിമയുടെ പ്രമോഷനുമായി ബന്ധപ്പെട്ട വാര്ത്താ സമ്മേളനത്തിലാണ് വിന്സി അലോഷ്യസിനോട് ഷൈന് ടോം ചാക്കോ പരസ്യമായി മാപ്പ് പറഞ്ഞത്.
Whatsapp Group 1 | Whatsapp Group 2 |Telegram Group
എന്നാൽ, താൻ ആരാധിച്ച വ്യക്തിയില് നിന്ന് അപ്രതീക്ഷിതമായ അനുഭവം ഉണ്ടായത് കൊണ്ടാണ് പരാതിയുമായി എത്തിയതെന്നും ഷൈനിനോട് ബഹുമാനം മാത്രമാണുള്ളതെന്നും വിൻസി അലോഷ്യസ് പറഞ്ഞു. ഷൈനിന്റെ കുടുംബത്തെ വേദനപ്പെടുത്തിയതില് ദുഃഖമുണ്ടെന്നും വിൻസി കൂട്ടിച്ചേർത്തു.
