ബംഗാള് ഉള്ക്കടലില് ന്യൂനമര്ദം; കേരളത്തില് ഇന്ന് ശക്തമായ മഴയ്ക്ക് സാധ്യത; അഞ്ച് ജില്ലകളില് യെല്ലോ അലര്ട്ട്
സ്വന്തം ലേഖിക
ഡല്ഹി: കേരളത്തില് ഇന്ന് ശക്തമായ മഴയ്ക്ക് സാധ്യത.
കേന്ദ്ര കാലാവസ്ഥ വകുപ്പ് അഞ്ച് ജില്ലകളില് യെല്ലോ അലര്ട്ട് പ്രഖ്യാപിച്ചു.
ബംഗാള് ഉള്ക്കടലില് ന്യൂനമര്ദം രൂപപ്പെട്ടതാണ് കേരളത്തില് വ്യാപകമഴയ്ക്ക് കാരണം.
Whatsapp Group 1 | Whatsapp Group 2 |Telegram Group
ഒറ്റപ്പെട്ട ഇടങ്ങളില് ശക്തമായ മഴയുണ്ടാകും. വടക്കൻ ജില്ലകളിലാണ് മഴ കനക്കാൻ ഏറെയും സാധ്യത.
ഇടുക്കിയിലും കോഴിക്കോട് മുതല് കാസര്കോട് വരെയുള്ള ജില്ലകളിലുമാണ് മുന്നറിയിപ്പ്. ജൂലൈ 24 ഓടെ ബംഗാള് ഉള്ക്കടലില് പുതിയൊരു ന്യൂനമര്ദം കൂടി രൂപപ്പെടാൻ സാധ്യതയുണ്ടെന്നും കേന്ദ്ര കാലാവസ്ഥാ വകുപ്പ് അറിയിച്ചു.
അതേസമയം, മഹാരാഷ്ട്ര, ഗുജറാത്ത്, ആന്ധ്രപ്രദേശ് , തെലങ്കാന സംസ്ഥാനങ്ങളില് ഇന്നും കനത്ത മഴ തുടരുമെന്ന് കേന്ദ്ര കാലാവസ്ഥാ നിരീക്ഷണ കേന്ദ്രം. മഹാരാഷ്ട്രയിലെ നവീ മുംബൈ ഗുജറാത്തിലെ ദ്വാരക ജില്ലകളിലും വെള്ളപ്പൊക്കം രൂക്ഷമാണ് മുംബൈയില് റെഡ് അലര്ട്ട് പ്രഖ്യാപിച്ചു.