സ്പ്രിംക്‌ളർ ഹൈക്കോടതി വിധി പ്രതിപക്ഷത്തിന് വൻ തിരിച്ചടി; ഡേറ്റ സംരക്ഷണത്തിന് സർക്കാരിന്റെ മുന്തിയ പരിഗണന: മുഖ്യമന്ത്രി പിണറായി വിജയൻ

സ്വന്തം ലേഖകൻ

കോട്ടയം: ഹൈക്കോടതി ഇടക്കാലവിധി പ്രതിപക്ഷം ഉന്നയിച്ച ആരോപണങ്ങളും ആക്ഷേപങ്ങളും നിരാകരിക്കുന്ന വിധിയായാണ് വന്നിരിക്കുന്നത്. ഹർജിയിലെ പ്രധാന ആവശ്യങ്ങൾ എന്തായിരുന്നു. കരാർ റദ്ദാക്കണം, അല്ലെങ്കിൽ സ്റ്റേ ചെയ്യണം. രണ്ടും കോടതി അനുവദിച്ചില്ല. ഇപ്പോഴുള്ള പ്രവർത്തനങ്ങളുമായി മുന്നോട്ടു പോകാൻ നിർദേശിച്ചു.

സർക്കാർ ഈ പ്രവർത്തനങ്ങളുമായി മുന്നോട്ടു പോകും. ഡേറ്റ സുരക്ഷയുടെ കാര്യത്തിൽ യാതൊരു ആശയക്കുഴപ്പവുമില്ല. ഈ കാര്യം സത്യവാങ്ങ് മൂലത്തിലൂടെ ഹൈക്കോടതിയെ അറിയിച്ചിട്ടുണ്ട്. ഡേറ്റാ സുരക്ഷയ്ക്ക് സർക്കാർ മുന്തിയ പരിഗണന നൽകുന്നതാണ്. മറ്റു കാര്യങ്ങൾ കോടതിയുടെ അന്തിമ ഉത്തരവ് വരട്ടെ. ഇടക്കാല ഉത്തരവിന്റെ വിധിയുടെ വിശദാംശങ്ങൾ എത്തിയ ശേഷം സംസാരിക്കുന്നതായിരിക്കും ഉചിതം.

വാദത്തിനിടയിൽ ചോദിക്കുന്നത് കോടതിയുടെ വാഗമായി കണക്കാക്കാൻ സാധിക്കില്ല. അന്തിമ വിധിയിൽ വ്യക്തതയുണ്ട്. നിലവിലെ സർക്കാർ നിലപാട് ശരിവയ്ക്കുന്നതാണ് ഇപ്പോൾ ഹൈക്കോടതിയിൽ നിന്നും പുറത്തു വന്നിരിക്കുന്ന വിധി.