എസ്.നജീബ് തൃശൂർ പൊലീസ് അക്കാദമിയിലെ മോട്ടോർ ട്രാൻസ്‌പോർട്ട് വിഭാഗം എസ്.പി; നിയമനം പ്രമോഷനോടെ

തേർഡ് ഐ ബ്യൂറോ

തൃശൂർ: സംസ്ഥാന പൊലീസിലെ മോട്ടോർ ട്രാൻസ്‌പോർട്ട് വിഭാഗം എസ്.പിയായി എസ്.നജീബിനെ നിയമിച്ചു. തൃശൂർ പൊലീസ് അക്കാഡമിയിലാണ് ഇദ്ദേഹത്തിന്റെ നിയമനം. തിരുവനന്തപുരം സൗത്ത് സോൺ ഐ.ജി ഓഫിസിൽ മോട്ടോർ ട്രാൻസ്‌പോർട്ട് വിഭാഗം ഡിവൈ.എസ്.പി ആയിരിക്കെയാണ് ഇദ്ദേഹത്തിന് സ്ഥാനക്കയറ്റം ലഭിക്കുന്നത്.

കോട്ടയം മണിമല ആലപ്ര സ്വദേശിയാണ് നജീബ്. ആറ്റിങ്ങൽ ഐ.എച്ച്.ആർ.ഡി അദ്ധ്യാപികയായ ഐബി എ.ഖാദറാണ് ഭാര്യ. മക്കൾ – പട്ടം കേന്ദ്രീയ വിദ്യാലയം വിദ്യാർത്ഥി ബിലാൽ, പേരൂർക്കട കേന്ദ്രീയ വിദ്യാലയത്തിലെ വിദ്യാർത്ഥി ബാസിത്.

2003 ൽ കേരള പൊലീസ് അക്കാദമിയിൽ മോട്ടോർ ട്രാൻസ്‌പോർട്ട് വിഭാഗം എസ്.ഐആയാണ് ഇദ്ദേഹം സർവീസിൽ പ്രവേശിച്ചത്. ബി.ടെക് ഓട്ടോമൊബൈൽ എൻജിനീയറിങ് ബിരുദ്ധധാരിയാണ്.