എസ്എന്സി ലാവ്ലിന് കേസ്; തിങ്കളാഴ്ച സുപ്രീം കോടതി പരിഗണിക്കും
സ്വന്തം ലേഖിക
ന്യൂഡൽഹി: എസ് എന് സി ലാവ്ലിന് കേസ് സുപ്രീം കോടതി തിങ്കളാഴ്ച്ച പരിഗണിക്കും.
ജസ്റ്റിസ് എം ആര് ഷാ ,സി ടി രവികുമാര് എന്നിവരടങ്ങിയ ബെഞ്ച് ഹര്ജി പരിഗണിക്കും. കഴിഞ്ഞ നവംബറിലാണ് കേസ് കോടതി അവസാനമായി ലിസ്റ്റ് ചെയ്തത്.
Whatsapp Group 1 | Whatsapp Group 2 |Telegram Group
എന്നാല് അന്ന് സുപ്രീം കോടതി കേസ് പരിഗണിച്ചിരുന്നില്ല. തിങ്കളാഴ്ച നാലാം നമ്പര് കോടതിയില് 21 -മത്തെ കേസായിട്ടാണ് ലാവലിന് കേസ് പരിഗണിക്കുന്നത്.
അവസാനമായി മുന് ചീഫ് ജസ്റ്റിസ് യുയു ലളിതിൻ്റെ അധ്യക്ഷതയിലുള്ള ബെഞ്ചാണ് കേസ് പരിഗണിച്ചത്. ഒക്ടോബര് 20 ന് കേസ് ലളിതിന് മുന്നില് എത്തിയിരുന്നെങ്കിലും മാറ്റി. പിണറായി വിജയന് ഉള്പ്പെടെയുള്ള മൂന്ന് പേരെ പ്രതിപ്പട്ടികയില് നിന്ന് ഒഴിവാക്കിയതിനെതിരെ 2017 ഡിസംബറിലാണ് സിബിഐ സുപ്രീം കോടതിയെ സമീപിക്കുന്നത്.
കേസില് 2018 ജനുവരി 11 ന് സുപ്രീം കോടതി നോട്ടീസ് അയച്ചു. പിന്നീട് അഞ്ച് വര്ഷത്തിനിടെ 33 തവണയാണ് ഹര്ജികള് പരിഗണിക്കുന്നത് മാറ്റിവെച്ചത്.
ഹര്ജി നിരന്തരം മാറി പോകുന്നെന്ന് കക്ഷി ചേര്ന്ന ടിപി നന്ദകുമാറിന്റെ അഭിഭാഷക എം.കെ അശ്വതി ചൂണ്ടിക്കാട്ടിയതിനെ തുടര്ന്നാണ് കോടതി ഇനി മാറ്റരുതെന്ന പുതിയ നിര്ദേശം നല്കിയത്. ഇത് സംബന്ധിച്ച ഉത്തരവും കോടതി ഇറക്കിയിട്ടുണ്ട്.