ഇതരസംസ്ഥാന തൊഴിലാളികളുമായി ബംഗാളിൽ നിന്നെത്തിയ ടൂറിസ്റ്റ് ബസിൽ കടത്താൻ ശ്രമിച്ചത് ഇരുന്നൂറ് കിലോ കഞ്ചാവ്; എറണാകുളം സ്വദേശികളായ നാല് പേർ കസ്റ്റഡിയിൽ

സ്വന്തം ലേഖകൻ

പാലക്കാട്: ഇതരസംസ്ഥാന തൊഴിലാളികളുമായി ബംഗാളിൽ നിന്നെത്തിയ ടൂറിസ്റ്റ് ബസിൽ കടത്താൻ ശ്രമിച്ചത് 200കിലോ കഞ്ചാവ്. പാലക്കാട് നിന്നും കഞ്ചാവ് എക്സൈസ് സംഘം പിടികൂടി. പശ്ചിമ ബംഗാളിൽ നിന്നും തൃശൂർ/എറണാകുളം ജില്ലയിലേക്ക് തൊഴിലാളികളെ കൊണ്ടുവന്ന ബസിലാണ് കഞ്ചാവ് കടത്താൻ ശ്രമിച്ചത്.

ബസ് ഡ്രൈവർ സഞ്ജയിനെയും കഞ്ചാവ് വാങ്ങാനെത്തിയ എറണാകുളം സ്വദേശികളായ നാല് പേരെയും കസ്റ്റഡിയിലെടുത്തു.
സുരേന്ദ്രൻ, അജീഷ്, നിതീഷ് കുമാർ, പാരിഷ് മാഹിൻ എന്നിവരാണ് പിടിയിലായ മറ്റുള്ളവർ. രണ്ട് വാഹനങ്ങളിലായാണ് ഇവർ ബസ്സിൽ നിന്ന് കഞ്ചാവ് ശേഖരിക്കാൻ വന്നത്.

എറണാകുളം സ്വദേശി സലാം എന്നയാൾക്ക് വേണ്ടിയാണ് കഞ്ചാവ് കൊണ്ടുവന്നത്. വിശാഖപട്ടണത്തെ കാക്കിനട എന്ന സ്ഥലത്ത് നിന്നുമാണ് കഞ്ചാവ് കയറ്റിയതെന്നാണ് പ്രാഥമിക നിഗമനം.