കേരളത്തിലെ വോട്ടർപട്ടിക പരിഷ്കരണത്തിന്റെ (എസ്ഐആർ) കരട് പട്ടികയില് നിന്നും പുറത്തായവർക്ക് ആശ്വാസം. പട്ടികയില് നിന്ന് ഒഴിവാക്കപ്പെട്ടവരുടെ വിവരങ്ങള് പഞ്ചായത്ത് ഓഫീസുകള് ഉള്പ്പെടെയുള്ള പൊതുസ്ഥലങ്ങളിലും വെബ്സൈറ്റുകളിലും പ്രസിദ്ധീകരിക്കണമെന്ന് ഉത്തരവിട്ട് സുപ്രീം കോടതി .
അർഹരായവർ ആരെങ്കിലും പുറത്തായിട്ടുണ്ടോ എന്ന് പരിശോധിക്കാനുള്ള സൗകര്യം ഇതിലൂടെ ഉറപ്പാക്കണമെന്നും, വോട്ടർപട്ടികയില് ഇടം നേടാനുള്ള പൗരന്റെ അവകാശം സംരക്ഷിക്കപ്പെടണമെന്നും കോടതി നിരീക്ഷിച്ചു. കരട് പട്ടികയില് പേരില്ലാത്തവർക്ക് പരാതി നല്കാനുള്ള സമയപരിധി നീട്ടി നല്കാനും സുപ്രീം കോടതി നിർദ്ദേശിച്ചു.
ഈ മാസം 22 വരെയായിരുന്നു നേരത്തെ നിശ്ചയിച്ചിരുന്ന സമയം. എന്നാല് ഒഴിവാക്കപ്പെട്ടവർക്ക് കൃത്യമായ വിവരം ലഭിക്കുന്നില്ലെന്ന രാഷ്ട്രീയ പാർട്ടികളുടെ പരാതി കണക്കിലെടുത്ത് സമയം ഒന്ന് മുതല് രണ്ട് ആഴ്ച വരെ നീട്ടാനാണ് കോടതി നിർദ്ദേശിച്ചത്. ഇതോടെ ഫെബ്രുവരി 21-ന് അന്തിമ വോട്ടർപട്ടിക പ്രസിദ്ധീകരിക്കാനുള്ള തിരഞ്ഞെടുപ്പ് കമ്മീഷന്റെ നീക്കം വൈകാനാണ് സാധ്യത.
Whatsapp Group 1 | Whatsapp Group 2 |Telegram Group