മക്കൾ നിരപരാധികൾ; കോടതി വിധി ദൗർഭാ​ഗ്യകരമാണ്; കേസിൽ നിയമപോരാട്ടം തുടരും; അഹമ്മദാബാദ് സ്ഫോടന പരമ്പരയിലെ കേസിൽ വധശിക്ഷയ്ക്ക് വിധിക്കപ്പെട്ട ഈരാറ്റുപേട്ട സ്വദേശികളായ ശിബിലിയുടെയും, ശാദുലിയുടെയും പിതാവ് പി എസ് അബ്ദുൾ കരീം

സ്വന്തം ലേഖകൻ

കോട്ടയം: മക്കൾ നിരപരാധികളാണെന്ന് അഹമ്മദാബാദ് സ്ഫോടന പരമ്പരയിലെ കേസിൽ വധശിക്ഷയ്ക്ക് വിധിക്കപ്പെട്ട ഈരാറ്റുപേട്ട സ്വദേശികളായ ശിബിലയുടെയും, ശാദുലുയുടെയും പിതാവ് പി എസ് അബ്ദുൾ കരീം.

കോടതി വിധി ദൗർഭാ​ഗ്യകരമാണ്. കേസിൽ നിയമപോരാട്ടം തുടരുമെന്നും കോട്ടയത്ത് നടന്ന വാർത്താ സമ്മേളനത്തിൽ പറഞ്ഞു.

അഹമ്മദാബാദിൽ സ്ഫോടനം നടക്കുമ്പോൾ ശാദുലിയും, ശിബിലയും ഇൻഡോർ ജയിലിൽ മറ്റൊരു കേസുമായി ബന്ധപ്പെട്ട് വിചാരണ തടവുകാരായിരുന്നു.

ജയിലിൽ കഴിഞ്ഞിരുന്നവർ ​ഗൂഢാലോചനയിൽ പങ്കാളികളായി എന്നത് വിശ്വസിക്കാൻ പ്രയാസമാണ്. പ്രതിചേർക്കപ്പെട്ടവർ പരസ്പരം അറിയുന്നവർ പോലുമല്ലെന്ന് പി എസ് അബ്ദുൾ കരീം പറഞ്ഞു.

മക്കൾക്ക് ഈ സംഭവത്തിൽ യാതൊരു പങ്കുമില്ലെന്ന് ഉറച്ച് വിശ്വസിക്കുന്നു, ഉന്നത നീതിപീഠങ്ങളിൽ നിന്ന് നീതി ലഭിക്കുമെന്ന് പ്രതീക്ഷിക്കുന്നുവെന്നും അബ്ദുൾ കരീം കൂട്ടിച്ചേർത്തു.