കല്പ്പറ്റ: വയനാട് പൂക്കോട് വെറ്ററിനറി സര്വകലാശാലയിലെ സിദ്ധാര്ത്ഥന്റെ മരണത്തില് 12 വിദ്യാർത്ഥികള്ക്ക് എതിരെ കൂടി നടപടിയെടുത്തും.
10 വിദ്യാർത്ഥികളെ ഒരു വർഷത്തേക്ക് വിലക്കി. ഇവര്ക്ക് ക്ലാസില് പങ്കെടുക്കാനും പരീക്ഷ എഴുതാനും സാധിക്കില്ല. പ്രതികള് ഭീഷണിപ്പെടുത്തിയപ്പോള് മർദിച്ചവരാണ് ഇവരെന്നാണ് വിവരം.
മറ്റ് രണ്ട് പേരെ ഒരു വർഷത്തേക്ക് ഇന്റേണല് പരീക്ഷ എഴുതുന്നതില് നിന്ന് വിലക്കി. മർദനമേറ്റതായി കണ്ടിട്ടും ആശുപത്രിയില് എത്തിക്കാത്തതിലാണ് നടപടി. ഈ 12 വിദ്യാർത്ഥികളേയും ഹോസ്റ്റലില് നിന്ന് പുറത്താക്കി.
Whatsapp Group 1 | Whatsapp Group 2 |Telegram Group
ഹോസ്റ്റലിലെ വിദ്യാർത്ഥികള്ക്കെതിരെയും ശിക്ഷയുണ്ട്. അക്രമം നോക്കി നിന്ന മുഴുവൻ പേരെയും ഏഴ് ദിവസം കോളേജില് നിന്ന് സസ്പെന്റ് ചെയ്തു. ഈ ദിവസങ്ങളില് ഹോസ്റ്റലിലും പ്രവേശിക്കാൻ കഴിയില്ല.
ഫെബ്രുവരി 16,17,18 തീയതികളില് ഹോസ്റ്റലില് ഉണ്ടായിരുന്നവര്ക്കാണ് ശിക്ഷ. റാഗിങ് വിരുദ്ധ സമിതിയുടേതാണ് നടപടി. വിദ്യാർത്ഥികള്ക്ക് വേണമെങ്കില് വിസിക്ക് അപ്പീല് നല്കാമെന്നും ആഭ്യന്തര പരാതി പരിഹാര സമിതി വ്യക്തമാക്കിയിട്ടുണ്ട്.
