ഇന്ന് വിരമിക്കാനിരിക്കെ എസ്.ഐയെ യൂണിഫോമിൽ തൂങ്ങി മരിച്ചനിലയില്‍ കണ്ടെത്തി; ആരോഗ്യ പ്രശ്‌നങ്ങള്‍ അലട്ടിയിരുന്നതായി സഹപ്രവര്‍ത്തകര്‍

സ്വന്തം ലേഖകൻ

രാമവര്‍മപുരം : എസ്.ഐയെ യൂണിഫോം ധരിച്ചു തൂങ്ങി മരിച്ചനിലയില്‍ കണ്ടെത്തി. പൊലീസ് അക്കാദമിയിലെ എസ്.ഐ സുരേഷ് കുമാറിനെയാണ്(56) വീട്ടില്‍ തൂങ്ങി മരിച്ചനിലയില്‍ കണ്ടെത്തിയത്.

ഇന്ന് വിരമിക്കാനിരിക്കെ ആയിരുന്നു മരണം. ആരോഗ്യ പ്രശ്‌നങ്ങള്‍ സുരേഷ് കുമാറിനെ അലട്ടിയിരുന്നതായി സഹപ്രവര്‍ത്തകര്‍ പറയുന്നു.

അക്കാദമിയിലെ പൊലീസ് നായകളുടെ വിശ്രമ കേന്ദ്രത്തിന്റെ ചുമതലക്കാരനായിരുന്നു സുരേഷ് കുമാര്‍. അദ്ദേഹം പോലീസ് അക്കാദമിക്ക് സമീപം രാമവര്‍മപുരത്താണ് താമസിച്ചിരുന്നത്.