സ്വന്തം ലേഖകൻ
മന്ത്രിസഭയിലേക്ക് തിരിച്ചെത്തുന്ന സജി ചെറിയാന്റെ സത്യപ്രതിജ്ഞ ബുധനാഴ്ച വൈകീട്ട് നാലുമണിക്ക്.സര്ക്കാറിന്റെ നിര്ദ്ദേശപ്രകാരമുള്ള തീയതിയിലും സമയത്തും ചടങ്ങ് നടത്താന് രാജ്ഭവന് അനുവാദം നല്കി.
മുഖ്യമന്ത്രിയുടെ ശുപാര്ശ ഗവര്ണര് അംഗീകരിക്കുകയായിരുന്നു.സജി ചെറിയാന് തിരിച്ചെത്തുന്നതില് വിശദാംശങ്ങള് ചോദിച്ച ശേഷം മാത്രം സത്യപ്രതിജ്ഞയ്ക്ക് അനുമതി നല്കിയാല് മതിയെന്ന് നേരത്തെ ഗവര്ണര്ക്ക് നിയമോപദേശം ലഭിച്ചിരുന്നു.
ഭരണഘടനാ വിരുദ്ധ പരാമര്ശം നടത്തിയ സംഭവത്തെ തുടർന്നാണ് സജി ചെറിയാന് രാജിവച്ചത്.നിയമോപദേശങ്ങള് സ്വീകരിച്ച ശേഷമാണ് സിപിഐഎം സംസ്ഥാന സെക്രട്ടറിയേറ്റ് സജി ചെറിയാനെ മന്ത്രിസഭയിലേക്ക് വീണ്ടും എത്തിക്കാന് തീരുമാനമെടുത്തതെന്നാണ് വിവരം.
Whatsapp Group 1 | Whatsapp Group 2 |Telegram Group
രാജിക്ക് ശേഷം സജി ചെറിയാന്റെ വകുപ്പുകള് മൂന്ന് മന്ത്രിമാര്ക്കായി വീതിച്ച് നല്കുകയാണ് ചെയ്തിരുന്നത്. ജൂലൈ മൂന്നിന് മല്ലപ്പള്ളിയിൽ വെച്ചായിരുന്നു രാജിക്ക് കാരണമായ വിവാദ പ്രസംഗം.
ഭരണഘടനാ വിരുദ്ധ പരാമര്ശം നടത്തിയെന്നാരോപിച്ച് ലഭിച്ച ഹര്ജിയുടെ അടിസ്ഥാനത്തിലാണ് സജി ചെറിയാനെതിരെ കേസെടുക്കണമെന്ന് മജിസ്ട്രേറ്റ് കോടതി ഉത്തരവിട്ടത്. സജി ചെറിയാന് കുറ്റവിമുക്തനാണെന്ന് ബോധ്യമായതിനാലാണ് അദ്ദേഹത്തെ മന്ത്രിസഭയിലേക്ക് തിരികെ കൊണ്ടുവരുന്നതെന്നാണ് സിപിഐഎമ്മിന്റെ നിലപാട്.
