തിരുവനന്തപുരം: ശബരിമല സ്വർണക്കവർച്ച കേസുമായി ബന്ധപ്പെട്ട് പ്രതികരണവുമായി സിപിഎം സംസ്ഥാന സെക്രട്ടറി എം വി ഗോവിന്ദൻ.
അന്വേഷണത്തെ സിപിഎം സ്വാഗതം ചെയ്യുന്നുവെന്നും അയ്യപ്പന്റെ ഒരു തരി നഷ്ടമാകരുത് എന്ന് തന്നെയാണ് നിലപാടെന്നും അദ്ദേഹം മാധ്യമങ്ങളോട് പ്രതികരിച്ചു.
കേസുമായി ബന്ധപ്പെട്ടുള്ള തങ്ങളുടെ നിലപാട് മുഖ്യമന്ത്രി നിയമസഭയില് വ്യക്തമാക്കിയിരുന്നുവെന്നും അദ്ദേഹം പറഞ്ഞു. യുഡിഎഫ് അന്വേഷണവുമായി സഹകരിച്ചില്ല. അന്വേഷണം സിബിഐക്ക് വിടണം എന്നാണ് അവർ വാദിച്ചത്.
Whatsapp Group 1 | Whatsapp Group 2 |Telegram Group
അന്വേഷണം ആരംഭിച്ച ഘട്ടത്തിലും ആദ്യ അറസ്റ്റുകളുടെ കാലത്തും രാഷ്ട്രീയ നിലപാട് സിപിഎമ്മിനില്ല. രാഷ്ട്രീയ കാഴ്ചപ്പാട് മുൻനിർത്തിയല്ല അറസ്റ്റില് സിപിഎം നിലപാട് സ്വീകരിക്കുന്നത്. ഹൈക്കോടതിയുടെ മേല്നോട്ടത്തില് നടക്കുന്ന അന്വേഷണത്തെ പാർട്ടി പൂർണ്ണമായും പിന്തുണച്ചിട്ടുണ്ട്.
ആദ്യം അറസ്റ്റിലായവരുടെ കോണ്ഗ്രസ് ബന്ധം അടക്കം പുറത്ത് വന്നിരുന്നു. കുറ്റവാളികള്ക്ക് ശിക്ഷ വേണം എന്ന് തന്നെ ആണ് നിലപാട്. കുറ്റം ചെയ്ത ആരെയും സംരക്ഷിക്കില്ലെന്നും എംവി ഗോവിന്ദൻ വ്യക്തമാക്കി.
