ഗതാഗതക്കുരുക്ക് രൂക്ഷം ; എരുമേലിയിൽ നിന്നും പമ്പയിലേക്ക് വാഹനങ്ങൾ കടത്തിവിടുന്നത് നിർത്തി; പ്രതിഷേധവുമായി തീർത്ഥാടകർ

സ്വന്തം ലേഖകൻ

എരുമേലി : എരുമേലിയിൽ നിന്നും ശബരിമല തീർത്ഥാടകരുടെ വാഹനങ്ങൾ കടത്തിവിടുന്നത് നിർത്തി. കണമല , നിലയ്ക്കൽ ഭാഗങ്ങളിലെ ഗതാഗതക്കുരുക്ക് കണക്കിലെടുത്താണ് പൊലീസിന്റെ നടപടി.

വാഹനങ്ങൾ കടത്തിവിടാതെ വന്നതോടെ തെലുങ്കാനയിൽ നിന്നുള്ള തീർത്ഥാടക സംഘം എരുമേലിയിൽ റോഡിൽ കുത്തിയിരുന്ന് പ്രതിഷേധിച്ചു. ശരണം വിളികളോട് ആണ് ഇവരുടെ പ്രതിഷേധം.

അതേസമയം മകരവിളക്കിനുള്ള എല്ലാ ഒരുക്കങ്ങളും പൂർത്തിയായതായി ശബരിമല തന്ത്രി കണ്ഠരര് രാജീവര് അറിയിച്ചു. ഇതിന് മുന്നോടിയായുള്ള എല്ലാ ചടങ്ങുകളും പൂർത്തിയായതായി അദ്ദേഹം പറഞ്ഞു.