നവഭാവന ചാരിറ്റബിൾ ട്രസ്റ്റിൻ്റെ 2025 വർഷത്തെ നവ ഭാവന പ്രതിഭ പുരസ്കാരം എസ് ശ്രീകാന്ത് അയ്മനത്തിന്

അയ്മനം: നവഭാവന ചാരിറ്റബിൾ ട്രസ്റ്റിൻ്റെ 2025 വർഷത്തെ നവ ഭാവന പ്രതിഭ പുരസ്കാരം എസ് ശ്രീകാന്ത് അയ്മനത്തിന്. ഗുരു പഠനം മുൻനിർത്തിയുള്ള പ്രവർത്തനങ്ങൾ പരിഗണിച്ചാണ് പുരസ്കാരം.

ഗുരുകൃതികൾ ചൊല്ലി മൂപ്പതിൽപ്പരം ദേശീയ ലോക റെക്കോർഡുകൾ നേടിയിട്ടുള്ള ഇദ്ദേഹം ഗുരുദേവ ജീവചരിത്രം, ശ്രീനാരായണ ധർമ്മം ലളിതം എന്നി കൃതികൾ രചിച്ചിട്ടുണ്ട്. നിരവധി വേദികളിലൂടെ ഗുരുദർശനം ലോക ശ്രദ്ധയിൽ എത്തിച്ചുകൊണ്ടിരിക്കുന്നു.

ജൂൺ 22 ഞായറാഴ്ച്ച ഉച്ചകഴിഞ്ഞ് 2 മണിയ്ക്ക് തിരുവനന്തപുരം ശ്രീനാരായണ ബർത്ത് സെൻ്റനറി മെമ്മോറിയൽ ബിൽഡിംഗ് ഹാളിൽ വെച്ച് നടക്കുന്ന സാംസ്കാരിക സമ്മേളനത്തിൽ പുരസ്കാരം സമ്മാനിക്കും.