റൊണാള്‍ഡോയുടെ കട്ടൗട്ട് സ്ഥാപിക്കുന്നതിനിടെ ഷോക്കേറ്റ് അപകടം; നാല് പേര്‍ക്ക് പരിക്ക്; ഒരാള്‍ ഐസിയുവില്‍

സ്വന്തം ലേഖിക

പാലക്കാട്: ലോകകപ്പ് ആവേശമേറി കട്ടൗട്ട് സ്ഥാപിക്കുന്നതിനിടെ ഷോക്കേറ്റ് അപകടം.

നാലുപേര്‍ക്ക് ഷോക്കേറ്റു. പോര്‍ച്ചുഗല്‍ താരം ക്രിസ്റ്റിയാനോ റൊണാള്‍ഡോയുടെ കട്ടൗട്ട് സ്ഥാപിക്കുന്നതിനിടെയാണ് സംഭവം.

പാലക്കാട് മേലാമുറിയിലാണ് അപകടം. ഒരാളെ ഐ.സി.യുവില്‍ പ്രവേശിപ്പിച്ചു. കട്ടൗട്ട് കെട്ടുന്നതിനിടെ വൈദ്യുത ലൈനില്‍ നിന്ന് നേരിട്ട് ഷോക്കേല്‍ക്കുകയായിരുന്നു.

ഇവരെ ജില്ലാ ആശുപത്രിയില്‍ പ്രവേശിപ്പിച്ചു. എല്ലാവരുടെയും ആരോഗ്യനില തൃപ്തികരമാണ്.