താജിക്കിസ്ഥാനില്‍ മലയാളി എംബിബിഎസ് വിദ്യാര്‍ഥി ജന്മദിനാഘോഷത്തിനിടെ മുങ്ങിമരിച്ചു ; മരണപ്പെട്ടത് കോട്ടയം കങ്ങഴ സ്വദേശി റിയാസ് ഹാരിസ് മുഹമ്മദ്

സ്വന്തം ലേഖകൻ

കോട്ടയം: താജിക്കിസ്ഥാനില്‍ മലയാളി എംബിബിഎസ് വിദ്യാർഥി ജന്മദിനാഘോഷത്തിനിടെ മുങ്ങിമരിച്ചു. കോട്ടയം കങ്ങഴ പത്തനാട് തകിടിയേല്‍ റിയാസ് ഹാരിസ് മുഹമ്മദ് (24) ആണു മരിച്ചത്.

ദുഷൻബേ അവിസിന താജിക് സ്റ്റേറ്റ് മെഡിക്കല്‍ യൂണിവേഴ്സിറ്റിയില്‍ എംബിബിഎസ് വിദ്യാർഥിയായിരുന്നു. 24-ാം ജന്മദിനമായ 22ന് ആയിരുന്നു അപകടം.

പഠനം പൂർത്തിയാക്കി നാട്ടിലേക്കു വരുന്നതിനുള്ള തയ്യാറെടുപ്പിനിടെയാണ് ദാരുണാന്ത്യം. പിതാവ്: ഹാരിസ് മുഹമ്മദ്. മാതാവ്: ഷഹാമോള്‍. സഹോദരൻ: റാസിക്.