കോട്ടയം: ആർക്കും തയ്യാറാക്കാവുന്ന ഒരു പിസ്സ റെസിപ്പി നോക്കാം… എളുപ്പത്തില്‍ തയ്യാറാക്കാവുന്ന ഒരു റവ പിസ്സയുടെ റെസിപ്പി നോക്കിയാലോ?
ആവശ്യമായ ചേരുവകള്‍
റവ /സൂചി – 1 കപ്പ്
വെള്ളം – 1 കപ്പ്
തൈര് – 1/3 കപ്പ്
തേങ്ങചിരവിയത് – 1/3 കപ്പ്
ബേക്കിങ് സോഡ – 1/4 ടീ സ്പൂണ്‍
ക്യാപ്‌സിക്കം
ഉള്ളി
ഫ്രൈഡ് ചിക്കൻ
ടൊമാറ്റോ സോസ്
ഒറീഗാനോ
മൊസറല്ല ചീസ്
തയാറാക്കുന്ന വിധം
Whatsapp Group 1 | Whatsapp Group 2 |Telegram Group
ആദ്യം മിക്സിയുടെ ജാർ എടുത്ത് അതില്‍ റവ ഇടുക. വെള്ളം, തൈര്, തേങ്ങ എന്നിവ ഇട്ട് നല്ലപോലെ ബ്ലൻഡ് ചെയ്യുക. ഈ മിക്സ്‌ ഒരു ബൗളിലേക്ക് മാറ്റിയതിന് ശേഷം അതിലേക്ക് ഉപ്പ്, ബാക്കിങ് സോഡ എന്നിവ ചേർക്കുക. അതിനു ശേഷം ഒരു ഫ്രൈപാനില്‍ ഈ മിശ്രിതം കട്ടിയുള്ള ദോശ രൂപത്തില്‍ (ഇരു വശവും) ചുട്ടെടുക്കുക. ടൊമാറ്റോ സോസില്‍ ഒറീഗാനോ ഇട്ട് മിക്സ്‌ ചെയ്യുക. പിന്നീട് ഇത് ചുട്ടുവെച്ച ദോശയുടെ മുകളില്‍ സ്‌പ്രെഡ്‌ ചെയ്യുക.
ശേഷം മൊസറല്ല ചീസ് സ്‌പ്രെഡ്‌ ചെയ്യുക. ശേഷം ഇതിന് മുകളിലേക്ക് ക്യാപ്‌സിക്കം, ഉള്ളി അരിഞ്ഞത്, ഫ്രൈ ചെയ്തു വച്ച ചിക്കൻ എന്നിവ സ്‌പ്രെഡ്‌ ചെയ്തു കൊടുക്കുക. ചുട്ടെടുത്ത ദോശയുടെ മുകളിലുള്ള ഈ പ്രക്രിയ രണ്ടോ മൂന്നോ ലയറില്‍ ആവശ്യാനുസരണം ഫില്‍ ചെയ്തു കൊടുക്കുക. ഇതിന് മുകളിലുള്ള ചേരുവകള്‍ ഇളകി പോകാതിരിക്കാൻ സ്പാചുല (Spatula) കൊണ്ട് പ്രെസ്സ് ചെയ്യുന്നത് നന്നാവും. ചെറിയ ഫ്ളൈമില്‍ ചീസ് മെല്‍ട്ട് ചെയ്യാനുള്ള സമയം കൊടുക്കുക. റവ പിസ്സ തയ്യാർ.
