പത്തനംതിട്ടയിൽ സ്‌കാനിങ്ങിനെത്തിയ യുവതി വസ്ത്രം മാറുന്ന ദൃശ്യങ്ങള്‍ പകര്‍ത്തി; റേഡിയോഗ്രാഫര്‍ പിടിയില്‍; പ്രതി നേരത്തേയും സമാന രീതിയില്‍ സ്ത്രീകളുടെ ദൃശ്യങ്ങള്‍ പകര്‍ത്തിയതായി സംശയം

സ്വന്തം ലേഖിക

കൊല്ലം: സ്‌കാനിങ്ങിനെത്തിയ യുവതിയുടെ സ്വകാര്യ ദൃശ്യം പകര്‍ത്തിയ റേഡിയോഗ്രാഫറെ പിടിയില്‍.

കൊല്ലം കടക്കല്‍ സ്വദേശി അംജിത്തിനെയാണ് പോലീസ് പിടികൂടിയത്.

പത്തനംതിട്ട അടൂരിലെ ദേവി സ്‌കാന്‍സിലായിരുന്നു സംഭവം.

രാത്രി സ്‌കാനിങ്ങിനെത്തിയ യുവതി വസ്ത്രം മാറുമ്പോള്‍ മൊബൈല്‍ ഫോണില്‍ ദൃശ്യം പകര്‍ത്തുകയായിരുന്നു ഇയാള്‍. യുവതിക്ക് തോന്നിയ സംശയമാണ് പ്രതിയെ കുടുക്കിയത്.

ഇയാള്‍ നേരത്തേയും പല സ്ത്രീകളുടേയും ദൃശ്യങ്ങള്‍ സമാന രീതിയില്‍ പകര്‍ത്തിയതായി സംശയമുണ്ട്.