നാലാം ക്ലാസ്സുകാരിയെ പീഡിപ്പിച്ചു ; അധ്യാപകൻ അറസ്റ്റിൽ

സ്വന്തം ലേഖകൻ

തിരുവനന്തപുരം: നാലാംക്ലാസ്സുകാരിയെ പീഡിപ്പിച്ച അധ്യാപകൻ അറസ്റ്റിൽ.നെടുമങ്ങാട് സ്വദേശിയും സ്‌കൂൾ ഉടമയുമായ യശോധരനാണ് അറസ്റ്റിലായത്.

നാലാംക്ലാസ് വിദ്യാർഥിനിയായ പത്തുവയസ്സുകാരിയെ ആരുമില്ലാത്ത സമയത്ത് ക്ലാസ്മുറിയിൽ വെച്ച് പീഡിപ്പിച്ചുവെന്നാണ് കേസ്.

കുട്ടിയുടെ മാതാപിതാക്കൾ നൽകിയ പരാതിയുടെ അടിസ്ഥാനത്തിൽ വലിയമല പൊലീസ് വെള്ളിയാഴ്ച ഇയാളെ കസ്റ്റഡിയിലെടുക്കുകയും ശനിയാഴ്ച രാവിലെ അറസ്റ്റ് രേഖപ്പെടുത്തുകയും ചെയ്തു.

യശോധരനെതിരെ 2008-ലും സമാനമായ കേസ് ഉണ്ടായിരുന്നു. അന്ന് പ്രതി മറ്റൊരു സ്‌കൂളിലായിരുന്നു ജോലി ചെയ്തിരുന്നത്. അന്നും ഇത്തരത്തിൽ പ്രായപൂർത്തിയാകാത്ത പെൺകുട്ടിയെ പീഡിപ്പിച്ചുവെന്നായിരുന്നു കേസ്.