സ്വന്തം ലേഖിക
കോട്ടയം: വിവിധ സര്‍വേകളില്‍ കണ്ടെത്തിയത് കോവിഡ് കാലത്ത് അശ്ലീല വീഡിയോ കാണുന്നവരുടെ എണ്ണം കൂടി എന്നാണ്.
പലരും പോണ്‍ വീഡിയോകള്‍ക്ക് അടിമകളായ സംഭവങ്ങളുമുണ്ട്.
പതിവായി അശ്ലീല വീഡിയോ കാണുന്നത് നിങ്ങളുടെ ജോലിയിലുള്ള ശ്രദ്ധയെ ബാധിക്കും. പങ്കാളിയുമായുള്ള ബന്ധത്തിനെയും ഇത് പ്രതികൂലമായി ബാധിക്കാം.
Whatsapp Group 1 | Whatsapp Group 2 |Telegram Group
ഇത്തരം സ്വഭാവം വ്യക്തിബന്ധങ്ങളെ ബാധിക്കുന്നുണ്ടെങ്കില്‍ അത് തിരിച്ചറിഞ്ഞ് പരിഹരിക്കാന്‍ ശ്രമിക്കണം. ഇത്തരം വീഡിയോകള്‍ യാഥാര്‍ത്ഥ്യവുമായി ബന്ധമില്ലാത്തതാണെന്നും വ്യാജ കണ്ടന്റുമാണെന്നും തിരിച്ചറിയണം. പോണ്‍ അഡിക്ഷന്‍ മറികടക്കാന്‍ ചികിത്സ തേടിയവരും നിരവധി പേ‌ര്‍ ഉണ്ടായിരുന്നുവെന്നാണ് റിപ്പോര്‍ട്ട്.
പോണ്‍ അഡിക്ഷനെ മറികടക്കുന്നതിന് ചില കാര്യങ്ങളില്‍ ശ്രദ്ധയുണ്ടായാല്‍ മതിയാകും. സ്ഥിരമായി ഒരു റുട്ടീന്‍ ഉണ്ടാക്കിയെടുക്കുന്നതും ഫലപ്രദമായ കാര്യങ്ങള്‍ക്കായി സമയം ചെലവഴിക്കുന്നതും വഴി പോണ്‍ അഡിക്ഷന്‍ കുറയ്ക്കാനാവും, കൂടാതെ ഫോണില്‍ നിന്നും കംപ്യൂട്ടറില്‍ നിന്നും അശ്ലീല വിഡിയോകള്‍ കാണുന്ന ആപ്ലിക്കേഷനുകള്‍ ഡിലീറ്റ് ചെയ്യണം.
സ്‌ട്രെസ് മാറ്റാനാണ് അശ്ലീല വീഡിയോ കാണുന്നതെങ്കില്‍ വ്യായാമം പോലുള്ള കാര്യങ്ങളിലേക്ക് ശ്രദ്ധ നല്‍കണം. പോണ്‍ അഡിക്ഷനും പോണ്‍ കാണുന്നതുമൊക്കെ മോശം പ്രവര്‍ത്തിയായി വ്യാഖ്യാനിക്കപ്പെടാറുണ്ട്. പക്ഷെ ഇത് നിങ്ങളെ കീഴ്‌പ്പെടുത്തുന്നുണ്ടെന്ന് തോന്നിയാല്‍ സഹായം തേടുന്നതില്‍ നിന്ന് പിന്നോട്ടുപോകാതിരിക്കാനും ശ്രദ്ധിക്കണം.
