ഇവിടെ പ്രതിപക്ഷം ഇല്ലെങ്കിലും കാര്യങ്ങൾ നടക്കും : പിണറായി വിജയൻ

സ്വന്തം ലേഖകൻ

തിരുവനന്തപുരം: ലോക കേരള സഭ ബഹിഷ്‌കരിച്ച പ്രതിപക്ഷത്തിനെതിരെ പിണറായി വിജയൻ രംഗത്ത്.ഇവിടെ പ്രതിപക്ഷം ഇല്ലെങ്കിലും കാര്യങ്ങൾ നടക്കുംമെന്ന് മുഖ്യമന്ത്രി പറഞ്ഞു. ലോക കേരളസഭയിൽ പ്രതിപക്ഷത്തെ പങ്കെടുപ്പിക്കാൻ പരാമവധി ശ്രമിച്ചിരുന്നു. എല്ലാവരും ഒരുമിച്ച് നിൽക്കണമെന്നാണ് ഇപ്പോഴും ആഗ്രഹിക്കുന്നതെന്നും പറഞ്ഞു. ലോക കേരളസഭയുടെ സമാപന ചടങ്ങിൽ സംസാരിക്കുകയായിരുന്നു അദ്ദേഹം.

ലോക കേരളസഭയിൽ നിന്ന് പ്രതിപക്ഷം രാജി വെച്ചപ്പോൾ മുതൽ അവരെ തിരികെ കൊണ്ട് വരാൻ ശ്രമങ്ങൾ താനും സ്പീക്കറും നടത്തി. പ്രതിപക്ഷം തീരുമാനം മാറ്റാത്തതിനെ തുടർന്ന് നവംബറിൽ വീണ്ടും പ്രതിപക്ഷ നേതാവിന് കത്തയച്ചു. എന്നിട്ടും പ്രതിപക്ഷം സഹകരിച്ചില്ലെന്ന് മുഖ്യമന്ത്രി പറഞ്ഞു.
ലോക കേരളസഭ ശാശ്വതമായി നിലനിർത്താനാണ് നിയമം കൊണ്ട് വരുന്നത്. കേരളസഭയിൽ പ്രതിനിധികൾ ഉന്നയിച്ച കാര്യങ്ങൾ ഒന്നും വ്യഥ ആകില്ലെന്നും മുഖ്യമന്ത്രി കൂട്ടിച്ചേർത്തു.