ഗുരുതര വീഴ്ച, നടപടി അത്യാവശ്യം; വാതില്‍ അടച്ചില്ല, വളവ് തിരിയവേ ബസില്‍ നിന്ന് വീണ യാത്രക്കാരി ബസ് കയറി മരിച്ചു

സ്വന്തം ലേഖകന്‍

കോഴിക്കോട്: നരിക്കുനിയില്‍ ബസില്‍ നിന്ന് തെറിച്ചു വീണ യാത്രക്കാരി ബസിന് അടിയില്‍പ്പെട്ട് മരിച്ചു. നരിക്കുനി ഒടുപാറയില്‍ വാടകക്ക് താമസിക്കുന്ന കൊയിലാണ്ടി സ്വദേശി ഉഷ (52) ആണ് മരിച്ചത്.ഇന്ന് രാവിലെ 7 മണിയോടെ നരിക്കുനി എളേറ്റില്‍ റോഡില്‍ നെല്ലിയേരി താഴെത്തായിരുന്നു അപകടം.

ബസിന്റെ വാതില്‍ അടക്കാതിരുന്നതാണ് അപകടത്തിന് കാരണം.റോഡിലേക്ക് വീണ ഉഷയുടെ ദേഹത്തൂടെ ബസിന്റെ പിന്‍ചക്രം കയറിയി.ഗുരുതരമായി പരിക്കേറ്റ ഉഷയെ കോഴിക്കോട് മെഡിക്കല്‍ കോളേജില്‍ എത്തിച്ചെങ്കിലും മരണം സംഭവിക്കുകയായിരുന്നു