ചേർത്തലയിലെ കോൺഗ്രസ് ഓഫിസിൽ പാർട്ടി പ്രവർത്തകൻ മരിച്ച നിലയിൽ; പൊലീസ് സ്ഥലത്തെത്തി പരിശോധന നടത്തി

സ്വന്തം ലേഖകൻ 

ചേർത്തല : ആലപ്പുഴയിലെ കോൺഗ്രസ് പാർട്ടി ഓഫിസിൽ പ്രവർത്തകനെ  മരിച്ചനിലയിൽ കണ്ടെത്തി. ചേർത്തല ഈസ്റ്റ് മണ്ഡലം കമ്മിറ്റി ഓഫിസിലാണ് പ്രവർത്തകനെ മരിച്ച നിലയിൽ കണ്ടെത്തിയത്.

ചേർത്തല സ്വദേശിയായ പൊന്നൻ (68) ആണ് മരിച്ചത്. കോൺഗ്രസ് ഓഫിസിലെ അന്തേവാസിയായിരുന്നു പൊന്നൻ. നോട്ടിസുകളും മറ്റും സ്ഥിരമായി വിതരണം ചെയ്തിരുന്നത് പൊന്നനായിരുന്നു.

ഇന്നു രാവിലെയാണ് പൊന്നനെ മരിച്ചനിലയിൽ കണ്ടെത്തിയത്. മരണകാരണം വ്യക്തമല്ല. ചേർത്തല പൊലീസ് സ്ഥലത്തെത്തി പരിശോധന നടത്തി. മൃതദേഹം പോസ്റ്റ്മോർട്ടത്തിനായി ആലപ്പുഴ മെഡിക്കൽ കോളജിലേക്കു മാറ്റി.