പാലായിൽ ഇനി നിശബ്ദ പ്രചരണം ; വോട്ടെടുപ്പ് തിങ്കളാഴ്ച

സ്വന്തം ലേഖിക

Link

Embed

Copy and paste this HTML code into your webpage to embed.

പാലാ : പാലാ ഉപതെരഞ്ഞെടുപ്പിന്റെ പരസ്യ പ്രചരണം മുന്നണികൾ അവസാനിപ്പിച്ചെങ്കിലും വോട്ടുറപ്പിക്കാനുള്ള നീക്കത്തിലാവും ഇന്നും നാളെയും സ്ഥാനാർഥികൾ.

വാഹന പര്യടനം പൂർത്തിയായതിനാൽ നാട്ടിലെ പൗരപ്രമുഖരെയും മറ്റും നേരിട്ടു കണ്ടാവും പ്രധാന സ്ഥാനാർഥികളുടെ ഇന്നത്തെ പ്രചാരണം. യു.ഡി.എഫ് സ്ഥാനാർഥി ജോസ് ടോമും എൽ.ഡി.എഫ് സ്ഥാനാർത്ഥി മാണി സി. കാപ്പനും എൻ.ഡി.എ സ്ഥാനാർത്ഥി എൻ. ഹരിയും സാമുദായിക നേതൃത്വങ്ങളെയും പ്രമുഖ വ്യക്തികളെയും ഒരിക്കൽ കൂടി കാണും.

എന്നാൽ ശ്രീനാരായണ ഗുരു സമാധി ദിനമായതിനാൽ കാതടപ്പിച്ചുള്ള പ്രചാരണ കോലാഹലങ്ങൾ ഇന്നുണ്ടാകില്ലെന്ന് മുന്നണികൾ അറിയിച്ചിട്ടുണ്ട്. കഴിഞ്ഞ ദിവസം നടന്ന കലാശക്കൊട്ടോടെ പ്രചണ്ഡ പ്രചാരണം മുഖ്യ മുന്നണികൾ അവസാനിപ്പിച്ചു. തിങ്കളാഴ്ചയാണ് പാലായിൽ ഉപതിരഞ്ഞെടുപ്പ്.